28 лістапада ў бібліятэцы адбылося чарговае пасяджэнне Савета бібліятэк Беларусі па інфармацыйным узаемадзеянні, у якім прынялі ўдзел кіраўнікі вядучых бібліятэк нашай краіны.
Быў разгледжаны шэраг пытанняў, звязаных з павышэннем эфектыўнасці выкарыстання электронных інфармацыйных рэсурсаў на нацыянальным узроўні.
Па выніках абмеркавання зацверджаны пералік электронных баз даных, сфармаваны Нацыянальнай бібліятэкай Беларусі для распаўсюджвання ў 2018 годзе праз віртуальную чытальную залу.
Да ўвагі ўдзельнікаў пасяджэння былі прадстаўлены прамежкавыя вынікі працэсу ўкаранення рэгіянальных зводных электронных каталогаў (РЗЭК) у Гродзенскай і Гомельскай абласцях. Абмеркаваны таксама праблемы і перспектыўныя напрамкі дадзенай работы на будучы год.
Падведзены вынікі сумесных мерапрыемстваў бібліятэк Беларусі ў бягучым годзе і абмеркаваны перспектывы далейшага супрацоўніцтва бібліятэк розных ведамстваў на наступны год.
Адобраны карпаратыўныя праекты, прапанаваныя Нацыянальнай бібліятэкай Беларусі, накіраваныя на стварэнне і распаўсюджванне нацыянальных інфармацыйных рэсурсаў.
Падрабязней аб рашэнні Савета бібліятэк Беларусі па інфармацыйным узаемадзеянні.