21 снежня ў працяг мерапрыемстваў, прымеркаваных да Года міру і стварэння, Нацыянальная бібліятэка Беларусі запрасіла да сябе з візітам кіраўніцтва Нясвіжскага дзяржаўнага каледжа імя Якуба Коласа.
Госці са старадаўняга Нясвіжа, які па праве стаў культурным і гістарычным цэнтрам краіны, з радасцю прынялі запрашэнне і наведалі “алмаз ведаў” напярэдадні навагодніх свят.
Падчас сустрэчы дырэктар каледжа Алена Жураўлёва азнаёмілася з дзейнасцю бібліятэкі, сустрэлася з намеснікам генеральнага дырэктара Людмілай Высоцкай. Бакі абмяняліся ідэямі па правядзенні сумесных мерапрыемстваў. Па выніках плённай сустрэчы была дасягнута дамоўленасць аб падпісанні пагаднення аб далейшым узаемавыгадным супрацоўніцтве.
І ўжо па добрай традыцыі ў рамках дабрачыннай акцыі “Падары кнігу – падары свет”, якая праводзіцца Нацыянальнай бібліятэкай, адбылася ўрачыстая перадача ў фонд бібліятэкі каледжа 150 кніг па гісторыі, культуры, мастацтве Беларусі, якія стануць навагоднім падарункам для будучых педагогаў.
Матэрыял пададзены аддзелам камплектавання фондаў.