6 сакавіка ў дзіцячым пакоі прайшло святочнае мерапрыемства “Мама – верны сябар”, прысвечанае Міжнароднаму жаночаму дню.
На свяце дзеці расказалі пра любоў да сваіх цудоўных і непаўторных мам. У вясёлых гульнях “Венікабол”, “Чысціня і парадак” юныя ўдзельнікі выявілі знаходлівасць, спрыт і кемлівасць. Творчыя здольнасці спатрэбіліся хлопчыкам і дзяўчынкам у конкурсе “Збяры букет для мамы”, “Мамін партрэт”.
Арыгінальная паштоўка, выкананая маленькімі ўдзельнікамі з любоўю і пяшчотай, стала незабыўным і кранальным падарункам для любых мам.