30 кастрычніка ў бібліятэцы адкрылася рэтраспектыўная выстаўка “Pencil & пэндзаль” таленавітага беларускага мастака-графіка Паўла Татарнікава. Яе наведвальнікаў чакае каля сотні кніжных ілюстрацый да папулярных у Беларусі і за мяжой твораў.
На адкрыцці выстаўкі першы намеснік дырэктара Нацыянальнай бібліятэкі Беларусі Алена Далгаполава адзначыла, што гэта першая рэтраспектыўная выстаўка Паўла Татарнікава ў Нацыянальнай бібліятэцы Беларусі, аднак творы таленавітага ілюстратара ўжо доўгія гады захоўваюцца ў фондзе "алмаза ведаў" дастаткова адкрыць патрэбную кнігу. У доказ гэтаму Алена Еремеевна прадэманстравала самую першую працу майстра ілюстраваную казку "Муха-Цокотуха" 1993 года.
Ва ўрачыстай частцы мерапрыемства прынялі ўдзел беларускі мастак-графік, дызайнер Андрэй Басалыга, намеснік старшыні грамадскага аб'яднання "Беларускі фонд культуры" Анатоль Бутэвіч, мастак, ілюстратар, заслужаны дзеяч мастацтва Беларусі Уладзімір Савіч і беларускі празаік, драматург Уладзімір Ягоўдзік. Усе яны павіншавалі мастака з адкрыццём выстаўкі і пажадалі поспехаў у творчасці.
Павел Татарнікаў падзякаваў за цёплыя словы і прэзентаваў Нацыянальнай бібліятэцы адну са сваіх графічных прац.
“Pencil & пэндзаль” – рэтраспектыўная выстаўка графікі мастака, які больш за два дзесяцігоддзі ўпрыгожвае і робіць больш прывабнымі дзясяткі кніг розных аўтараў, самага рознага зместу, для чытачоў самых розных узростаў.
Выстаўка будзе працаваць у галерэі “Лабірынт” (3-ці паверх) да 24 лютага 2019 года.
Тэлефоны для даведак: (8 017) 266 37 37, 293 28 81.
Е-mail: pr@nlb.by
