З 25 верасня для наведвальнікаў Нацыянальнай бібліятэкі Беларусі адкрыта кніжная выстаўка, на якой прадстаўлены выданні – прызёры XLVIII Нацыянальнага конкурсу "Мастацтва кнігі".
Гэта кнігі, якія атрымалі ганаровы дыплом пераможца і памятны знак-сімвал "Залаты фаліянт", а таксама кнігі – дыпламанты I, II і III ступенў.
Каля 100 выданняў экспазіцыі размеркаваны па наступных раздзелах: "Тэматычныя намінацыі", "Спецыяльныя намінацыі", "Персанальныя намінацыі". Усе кнігі адзначаны спецыяльнымі інфармацыйнымі этыкеткамі, змешчаны звесткі пра асобныя выдавецтвы.
У 12 тэматычных намінацыях лепшымі сталі:
- кніга "Мікола Селяшчук. Гучанне музыкі нябёсаў" серыі "Мастакі Беларусі" ("Мастацкая літаратура");
- падручнікі "Буквар" А. Клышкі і "Букварь" Н.А. Сторажавай ("Народная асвета");
- кніга для дзяцей А. Грачанікава "Казка пра Івана-ганчара і пачвару-цара" ("Мастацкая літаратура");
- навуковыя выданні В. Бялявінай і Л. Ракавай "Мужчынскі касцюм на Беларусі", "Жаночы касцюм на Беларусі" серыі "Культурныя скарбы Беларусі" ("Беларусь");
- энцыклапедыі А. Кулагіна "Праваслаўныя храмы Беларусі", "Каталіцкія храмы Беларусі" ("Беларуская энцыклапедыя імя П. Броўкі");
- кніга-альбом У. Ліхадзедава "Синагоги" ("РифТур");
- даведнікі "Геральдика мира" і "Мінск стары і новы" ("Харвест");
- альбом "Валерый Шкаруба. Жывапіс" ("Белпринт");
- фотаальбом Дз. Раманюка "Мой шлях – Беларусь" ("РифТур");
- кнігі-альбомы "Я – гражданин Республики Беларусь" ("Пачатковая школа"), "Сакральная живопись Беларуси XV–XVIII веков" ("Беларусь"), "Могилевская область" ("Международный центр интеграционной информации. Общественный пресс-центр Дома прессы").
У персанальных намінацыях найлепшым ілюстратарам прызнаны Валерый Славук, найлепшым дызайнерам кнігі – Тамара Мельянец, найлепшым фотамастаком – Дзяніс Раманюк. У спецыяльных намінацыях адзначаны РУП "Белкартография" за выданне карт па гісторыі, РВУ "Літаратура і Мастацтва" за кнігу "Сялянская энцыклапедыя ў творах М. Тарасюка" і выдавецтва Белорусскага экзархата за выданне кнігі "Православные святыни мира".
Нацыянальная бібліятэка Беларусі прадстаўляе свае кнігі на конкурс з 2006 года. У 2006 годзе кніга "Рарытэты Нацыянальнай бібліятэкі Беларусі" атрымала дыплом I ступені ў намінацыі "За лепшую паліграфію", у 2007 годзе буклет "Нацыянальная бібліятэка Беларусі" (выдавецтва "Мастацкая літаратура") удзельнічаў у намінацыі "Лепшае навукова-папулярнае выданне". Сёлета ў намінацыі "Выдавецкі дэбют" дыплом I ступені атрымаў буклет Ф.А. Ястраба "I Міжнародны фестываль пейзажа", прысвечаны творчасці Віталя Цвіркі.
Выстаўка яркая, пазнавальная, актуальная і цікавая для тых, хто сочыць за развіццём і сучасным станам паліграфічнай і выдавецкай дзейнасці ў нашай рэспубліцы.
Кантактны тэлефон: 293-28-86.
 |
 |
 |
 |
 |
 |
