З 7 кастрычніка па 25 лістапада 2008 года ў Нацыянальнай бібліятэцы Беларусі (2 паверх, кальцавы калідор) адкрыта кніжная выстаўка “Беларуская нацыянальная культура”, прымеркаваная да Дня работнікаў культуры.
“Стратэгічнай мэтай дзяржаўнай палітыкі ў галіне культуры з’яўляецца развіццё і эфектыўнае выкарыстанне культурнага патэнцыялу краіны, забеспячэнне пераемнасці развіцця беларускай культуры разам з падтрымкай культурных інавацый”, – гаворыцца ў галіновай праграме «Захаванне і развіццё культуры Рэспублікі Беларусь на перыяд 2006 — 2010 гг.».
Экспазіцыя мае наступную структуру:
- Беларуская культура сёння;
- Культурныя каштоўнасці краіны;
- Народная культура Беларусі;
- Рупліўцы беларускай культуры.
На выстаўцы прадстаўлена больш за 100 дакументаў: кнігі і электронныя выданні, матэрыялы міжнародных практычных канферэнцый, аналітычныя матэрыялы аб дзейнасці ўстаноў культуры і арганізацый галіны культуры, буклеты міжнародных фестываляў, даведачныя і энцыклапедычныя выданні па народнай культуры Беларусі, па гісторыі беларускага мастацтва, кінамастацтва і тэатральнага мастацтва, падручнікі па культуралогіі і менеджменту ў сферы культуры. Даволі насычаны апошні раздзел экспазіцыі, у якім прадстаўлены знакамітыя дзеячы культуры Беларусі.
Спасылкі на інтэрнэт-рэсурсы: