Дата правядзення
Час правядзення
Месца правядзення
22 мая а 16-й гадзіне ў галерэі “Лабірынт” адбудзецца прэзентацыя выдання “За цябе, Беларусь!” сумесна з выдавецтвам “Мастацкая літаратура”.
Мерапрыемства ладзіцца ў межах святкавання 80-годдзя вызвалення Беларусі ад нямецка-фашысцкіх захопнікаў. 80 гадоў таму, дзякуючы сумесным намаганням Чырвонай арміі і партызан, Беларусь была вызвалена ад гітлераўскага прыгнёту. Багата ілюстраванае літаратурна-мастацкае выданне “За цябе, Беларусь!” асвятляе значны перыяд беларускай гісторыі, прадстаўляе хроніку барацьбы і вызвалення 1941–1944 гг., адлюстроўвае сілу і няскоранасць беларускага народа.
У храналагічным парадку ўзнаўляюцца асноўныя падзеі Вялікай Айчыннай вайны на тэрыторыі Беларусі – ад часу вераломнага нападу гітлераўскай Германіі на СССР (абарончыя і наступальныя аперацыі Чырвонай арміі і партызан) і да поўнага вызвалення Беларусі ад захопнікаў. Дакументальны матэрыял прадстаўлены лістоўкамі, плакатамі, фотаздымкамі, што захоўваюцца ў Беларускім дзяржаўным музеі гісторыі Вялікай Айчыннай вайны.
У мерапрымстве возьмуць удзел прадстаўнікі бібліятэкі, выдавецтва, музея, прагучаць вершы і ўспаміны беларускіх пісьменнікаў.
Запрашаем на прэзентацыю ўсіх, хто цікавіцца гісторыяй Вялікай Айчыннай вайны, захоўвае памяць пра сведкаў страшных падзей і аддае даніну павагі героям-вызваліцелям, што даравалі нам свабоду і мірнае неба над галавой. Упэўнены, дадзенае выданне стане добрым падарункам у памятны для Беларусі год.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.