Адказны за выпуск – Суша К.В. Зборнік навуковых артыкулаў з’яўляецца мнагапрофільным навуковым выданнем, што рэцэнзуецца, уключаным у Пералік навуковых выданняў Рэспублікі Беларусь для апублікавання вынікаў дысертацыйных даследаванняў па педагагічных навуках (бібліятэказнаўства, бібліяграфазнаўства, кнігазнаўства), гістарычных навуках (дакументалістыка, дакументазнаўства, архівазнаўства) і культуралогіі. У чарговым выпуску зборніка Нацыянальная бібліятэка Беларусі працягвае публікацыю матэрыялаў па праблемах вывучэння, захавання і выкарыстання дакументальнай спадчыны Беларусі, па гісторыі рукапіснай і друкаванай кнігі, архіўных дакументаў, бібліятэчнай справы, бібліяграфазнаўства, культуралогіі, падрыхтаваных беларускімі і замежнымі даследчыкамі кніжнай культуры. Раскрываюцца фонды рукапісаў, архіўных дакументаў, друкаванай кнігі, якія захоўваюцца ў бібліятэках, музеях, архівах Беларусі і замежжа. Уводзяцца ў навуковы абарот дакументы, факты і звесткі, звязаныя з гісторыяй кніжнай культуры Беларусі і іншых краін. Аб’ём – 300 стар. Гэтае выданне можна набыць у кіёску, размешчыным на 1-м паверсе каля галоўнага ўвахода, і па падпісцы. |