ГалоўнаяПра бiблiятэкуСучасны станМіжнародная дзейнасцьМіжнароднае супрацоўніцтва і сувязі

Міжнароднае супрацоўніцтва і сувязі

Бібліятэка падтрымлівае сувязі з найбуйнейшымі бібліятэкамі свету, міжнароднымі ўрадавымі і грамадскімі арганізацыямі, дыпламатычнымі прадстаўніцтвамі, навуковымі і культурнымі цэнтрамі як у Рэспубліцы Беларусь, так і за яе межамі.

У межах афіцыйных і рабочых візітаў у Рэспубліку Беларусь Бібліятэку наведалі Прэзідэнт Ісламскай Рэспублікі Іран Махмуд Ахмадзінежад, cтаршыня Парламенцкай асамблеі Савета Еўропы Рэне ван дэр Ліндэн, суданская парламенцкая дэлегацыя на чале са cтаршынëй Нацыянальнай асамблеі Рэспублікі Судан Ахмедам Ібрахімам Эль-Тахірам, Генеральны дырэктар Сусветнай арганізацыі інтэлектуальнай уласнасці доктар Каміл Ідрыс, выканаўчы дырэктар Міжнароднага валютнага фонду Вілі Кікенс, Генеральны сакратар Сусветнай турыстычнай арганізацыі Франчэска Франжыаллі, дэлегацыя ландтага федэральнай зямлі Брандэнбург (ФРГ) на чале са старшынëй Гюнтэрам Фрычам, украінская дэлегацыя ад Міжпарламенцкай камісіі па супрацоўніцтве Нацыянальнага сходу Рэспублікі Беларусь і Вярхоўнай Рады Украіны на чале з намеснікам Старшыні Вярхоўнай Рады Украіны Таменка Н.В., дэлегацыя Валагодскай вобласці на чале з першым намеснікам губернатара Груздзевай І.В. На адкрыцці ў Бібліятэцы выстаўкі яўрэйскай кнігі “Дні яўрэйскай кнігі. Выдавецтвы Ізраіля, Расіі, Беларусі” прысутнічаў Надзвычайны і Паўнамоцны Пасол Дзяржавы Ізраіль у Рэспубліцы Беларусь Зееў Бен-Ар’е .

Для шэрага міжнародных сустрэч супрацоўнікі Бібліятэкі падрыхтавалі выстаўкі дакументаў міжнародных арганізацый і прэзентацыі. Да ліку апошніх можна аднесці прэзентацыю пра Савет Еўропы, падрыхтаваную да візіту старшыні Парламенцкай асамблеі Савета Еўропы Р. ван дэр Ліндэна; прэзентацыю для дэлегацыі ландтага федэральнай зямлі Брандэнбург (ФРГ) замежных баз даных (EBSCO, PROQEST, THOMAS GALE) на нямецкай мове; прэзентацыю інфармацыйных рэсурсаў НББ для парламенцкай дэлегацыі Нацыянальнага савета правінцый Парламента Паўднёва-Афрыканскай Рэспублікі.

Працягваюць пашырацца прафесійныя сувязі Бібліятэкі. Были падпісаны наступныя пагадненні:

  • Пагадненне аб супрацоўніцтве паміж Нацыянальнай бібліятэкай Беларусі і Нацыянальнай бібліятэкай Эстоніі (люты 2007 год);
  • Мемарандум аб узаемаразуменні і супрацоўніцтве паміж Нацыянальнай бібліятэкай Беларусі, Арганізацыяй Дакументацыі і Нацыянальнай бібліятэкай Ісламскай Рэспублікі Іран (май 2007 год);

Пагадненне аб партнёрстве і супрацоўніцтве паміж Нацыянальнай бібліятэкай Беларусі і Нацыянальнай акадэмічнай бібліятэкі Рэспублікі Казахстан. Згодна з планам для абмеркавання значных праектаў і задач міжнароднага ўзроўню адбывалася работа па падрыхтоўцы сустрэч з дырэктарам Польскага інстытута ў Мінску Пятром Казакевічам, з аташэ па пытаннях культуры Пасольства Італіі ў Рэспубліцы Беларусь Франчэска Эміліа, з дырэктарам Інстытута Гётэ ў Мінску Катрын Оствальд-Рыхтар, з Надзвычайным і Паўнамоцным Паслом Аўстрыі ў Расійскай Федэрацыі Марцінам Вуковічам, з Генеральным Консулам аддзялення Амбасады Швецыі ў Маскве С. Эрыксанам, з дэлегацыяй Узбекскага агенцтва сувязі і інфарматызацыі ў НББ на чале з намеснікам міністра А. Хаджаевым і дырэктарам Нацыянальнай бібліятэкі Узбекістана Умаравым.

Праведзены значны аб’ём работ па падрыхтоўцы замежных камандзіровак супрацоўнікаў НББ у Паўднёва-Афрыканскую Рэспубліку (г. Дурбан), краіны Скандынавіі (Швецыю, Данію, Нарвегію), Германію, Рэспубліку Польшча, Расійскую Федэрацыю, Украіну.

У чэрвені 2007 года Бібліятэка прыняла дэлегацыю бібліятэкараў з Нацыянальнай бібліятэкі Украіны імя У.І. Вярнадскага.

111