ГалоўнаяПаслугiВіртуальныя сервісыВіртуальны цэнтр па дзейнасці міжнародных арганізацыйМіжнародныя адукацыйныя і навуковыя праграмы, стыпендыі, грантыМіжнародныя праграмы, стыпендыі, гранты для навуковых супрацоўнікаў і аспірантаў

Міжнародныя праграмы, стыпендыі, гранты для навуковых супрацоўнікаў і аспірантаў

У гэтым раздзеле прапануецца інфармацыя пра міжнародныя праграмы стыпендыяльнай падтрымкі для правядзення навуковых даследаванняў, навучання, навуковых стажыровак за мяжой, у якіх могуць удзельнічаць грамадзяне Рэспублікі Беларусь.

Гадавыя навукова-даследчыя стыпендыі для аспірантаў (праграма Германскай службы акадэмічных абменаў)

Стыпендыя прызначана для рэалізацыі на базе ВНУ ці навуковага цэнтра Германіі даследчага праекта ў рамках работы над кандыдацкай дысертацыяй або праекта, мэтай якога з'яўляецца павышэнне кваліфікацыі саіскальніка. Працягласць праграмы – ад 7 да 12 месяцаў. Да ўдзелу ў конкурсе дапускаюцца аспіранты і маладыя вучоныя з дыпломам магістра ці спецыяліста (у выключных выпадках – бакалаўра), якія маюць вельмі добрую прафесійную падрыхтоўку.

Прыём заявак да 15 лістапада 2019 года.

Даследчыя стыпендыі Таварыства Макса Планка (Германія)

Таварыства навуковых даследаванняў імя Макса Планка прапануе стыпендыі замежным вучоным для правядзення індывідуальных праектаў у галіне крымінальнага права і крыміналогіі ў Інстытуце замежнага і міжнароднага крымінальнага права (Фрайбург, Германія). Прыярытэтныя тэмы даследаванняў: параўнальнае права, еўрапейскае крымінальнае права, міжнароднае крымінальнае права, эканамічная злачыннасць, тэрарызм, арганізаваная злачыннасць, інфармацыйнае права, крымінальныя санкцыі, небяспечныя злачынцы, сацыяльныя змены, барацьба са злачыннасцю.

Прыём заявак да 31 мая (штогод).

Кароткатэрміновыя навукова-даследчыя стыпендыі для аспірантаў (праграма Германскай службы акадэмічных абменаў)

Стыпендыя прызначана для рэалізацыі на базе ВНУ ці навуковага цэнтра Германіі даследчага праекта ў рамках работы над кандыдацкай дысертацыяй або праекта, мэтай якога з'яўляецца павышэнне кваліфікацыі саіскальніка. Працягласць праграмы – ад 1 да 6 месяцаў. Да ўдзелу ў конкурсе дапускаюцца асобы з вельмі добрай прафесійнай падрыхтоўкай – аспіранты і маладыя вучоныя з дыпломам магістра ці спецыяліста (у выключных выпадках – бакалаўра), а таксама кандыдаты навук, якія нядаўна абаранілі дысертацыю.

Прыём заявак да 15 лістапада 2019 года.

Навукова-даследчыя стыпендыі для навучання ў аспірантуры пад двайным кіраўніцтвам (праграма Германскай службы акадэмічных абменаў)

Стыпендыя прызначана для правядзення неабходных навуковых даследаванняў у Германіі ў рамках напісання кандыдацкай дысертацыі ў беларускай ВНУ. Пры гэтым навуковае кіраўніцтва ажыццяўляецца як беларускім выкладчыкам, так і яго калегам у Германіі. Стыпендыя можа выкарыстоўвацца для шматразовых кароткатэрміновых паездак для выканання асобных этапаў работы. Стыпендыя выплачваецца толькі ў перыяды правядзення навукова-даследчай работы ў Германіі, у час работы над дысертацыяй на радзіме выплата стыпендыі прыпыняецца. Агульная працягласць праграмы – да 2 гадоў. У конкурсе могуць удзельнічаць аспіранты і маладыя вучоныя з дыпломам магістра ці спецыяліста (у выключных выпадках – бакалаўра).

Прыём заявак да 15 лістапада 2019 года.

Навукова-даследчыя стыпендыі для навучання ў аспірантуры ў Германіі (праграма Германскай службы акадэмічных абменаў)

Стыпендыі прызначаны для навучання ў аспірантуры вышэйшых навучальных устаноў ці навуковых цэнтраў Германіі. Праграма прадугледжвае выкананне пад кіраўніцтвам выкладчыка ВНУ ці вучонага з Германіі індывідуальнага праекта ў рамках работы над кандыдацкай дысертацыяй або навучанне ў структураванай аспіранцкай праграме. Працягласць праграмы – ад 1 да 4 гадоў. Да ўдзелу ў конкурсе дапускаюцца маладыя вучоныя з дыпломам магістра ці спецыяліста (у выключных выпадках – бакалаўра), якія маюць вельмі добрую прафесійную падрыхтоўку.

Прыём заявак да 15 лістапада 2019 года.

Навуковыя стажыроўкі ў Германіі для выкладчыкаў ВНУ і вучоных (праграма Германскай службы акадэмічных абменаў)

Стыпендыя прызначана для праходжання кароткатэрміновай (1–3 месяцы) навуковай стажыроўкі ва ўніверсітэтах ці навуковых цэнтрах Германіі для абмену вопытам, расшырэння і ўмацавання кантактаў з калегамі. Да ўдзелу ў конкурсе дапускаюцца выкладчыкі ВНУ і паспяховыя вучоныя, якія, як правіла, павінны мець ступень кандыдата навук.

Прыём заявак да 15 лістапада 2019 года.

Нацыянальная стыпендыяльная праграма Славацкай Рэспублікі

Стыпендыя ўрада Славацкай Рэспублікі створана для падтрымкі мабільнасці замежных студэнтаў і выкладчыкаў ВНУ, аспірантаў, навуковых супрацоўнікаў і дзеячаў мастацтва і вылучаецца для праходжання вучэбнай, выкладчыцкай, навукова-даследчай або мастацкай стажыроўкі ў ВНУ і навукова-даследчых арганізацыях Славакіі.

Прыём заявак:

  • да 31 кастрычніка – для стажыроўкі на працягу летняга семестра бягучага навучальнага года;
  • да 30 красавіка – для стажыроўкі на працягу наступнага навучальнага года.

Постдоктарскія стыпендыі імя Жана Манэ

Цэнтр перспектыўных даследаванняў імя Роберта Шумана (Італія) прапануе гадавыя стыпендыі на правядзенне даследаванняў вучоным, якія атрымалі доктарскую ступень больш за 5 гадоў назад. Удзельнікі праграмы будуць працаваць над выбранай тэмай і прымаць удзел у навукова-даследчай дзейнасці Цэнтра. Пажаданыя тэмы даследаванняў: дзяржаўнае кіраванне і дэмакратыя; рэгуляванне рынкаў і кіраванне грашовымі патокамі; сусветная і еўрапейская палітыка XXI стагоддзя.

Прыём заявак да 25 кастрычніка (штогод).

Праграма Лізы Мейтнер для замежных вучоных (Аўстрыя)

Праграма дазваляе замежным навукоўцам папрацаваць у даследчых арганізацыях Аўстрыі. Да ўдзелу запрашаюцца высокакваліфікаваныя вучоныя з любой галіны ведаў, якія маглі б унесці ўклад у развіццё прымаючай аўстрыйскай навукова-даследчай установы. Працягласць праграмы – ад 12 да 24 месяцаў. Падача заяўкі ажыццяўляецца сумесна з аўстрыйскім сузаяўнікам.

Прыём заявак – на працягу года.

Праграма мабільнасці для мэтанакіраваных межасобасных кантактаў (MOST)

Праект накіраваны на пашырэнне прафесіянальных кантактаў паміж грамадзянамі Беларусі і ЕС з мэтай абмену перадавым вопытам і паляпшэння ўзаемаразумення і дапускае фінансаванне паездак беларусаў у краіны ЕС у рамках міжнародных мерапрыемстваў, стажыровак, абменаў, наладжвання прафесійных сувязей. Заяўкі на ўдзел прымаюцца ад паўналетніх грамадзян Рэспублікі Беларусь, якія працуюць у сферы культуры, адукацыі, навукі, тэхналогій і інш.

Прыём заявак – не менш чым за 4 месяцы да запланаванага мерапрыемства.

Стыпендыі Каталіцкага фонду акадэмічных абменаў (Германія)

Каталіцкі фонд акадэмічных абменаў у рамках праграмы “Усходняя Еўропа” прапануе стыпендыі для навучання, павышэння навуковай кваліфікацыі або правядзення даследаванняў у Германіі для студэнтаў-хрысціян, выпускнікоў ВНУ і маладых вучоных з Беларусі. Стыпендыяты могуць самастойна выбраць навучальную ці навуковую ўстанову Германіі. Абмежаванняў у выбары спецыяльнасці або дысцыпліны няма. Патрабуецца добрае веданне нямецкай мовы.

Прыём заявак да 15 студзеня і 30 чэрвеня (штогод).

Стыпендыі Універсітэта Фрыбурга для маладых замежных вучоных

Студэнты дактарантуры і кандыдаты навук маюць магчымасць атрымаць стыпендыю для выканання навуковага праекта ва Універсітэце Фрыбурга (Швейцарыя). Даследаванні могуць праводзіцца па любым з навуковых напрамкаў, што прапануюцца ўніверсітэтам.

Прыём заявак да 28 лютага і да 31 ліпеня (штогод).

Стыпендыі Урада Швейцарыі на 2020–2021 гг.

Урад Швейцарыі прапануе стыпендыі для навучання ў аспірантуры, а таксама для правядзення даследаванняў кандыдатамі навук і вучонымі без ступені ва ўніверсітэтах і навуковых цэнтрах Швейцарыі.

Прыём заявак з 1 верасня па 11 снежня 2019 года.

111