ГалоўнаяПаслугiВіртуальныя сервісыВіртуальны цэнтр па дзейнасці міжнародных арганізацыйМіжнародныя адукацыйныя і навуковыя праграмы, стыпендыі, грантыМіжнародныя праграмы, стыпендыі, гранты для дзеячаў культуры і мастацтва

Міжнародныя праграмы, стыпендыі, гранты для дзеячаў культуры і мастацтва

У гэтым раздзеле прапануецца інфармацыя пра замежныя і міжнародныя праграмы стыпендыяльнай падтрымкі навучання, прафесійнай стажыроўкі, выкладчыцкай дзейнасці дзеячаў культуры і мастацтва за мяжой, у якіх могуць удзельнічаць грамадзяне Рэспублікі Беларусь.

Выяўленчае мастацтва: міжнародная даследчая праграма Дацкага фонду мастацтваў

Дацкі фонд мастацтваў прапануе фінансаванне куратарскіх даследаванняў для куратараў, кіраўнікоў мастацкіх устаноў, а таксама спецыялістаў, якія працуюць у сферы сучаснага мастацтва, крытыкі, медыяцыі альбо маюць істотны досвед у любой з гэтых галін. Прэтэндэнты з замежжа могуць таксама падаць заяўку на фінансаванне расходаў на дарогу і пражыванне ў Даніі. Праграма разлічана ў першую чаргу на кандыдатаў, якія ўжо маюць прафесійныя сувязі ў сферы дацкага мастацтва або жадаюць ажыццявіць праект, звязаны з канкрэтнымі дацкімі мастакамі ці арганізацыямі.

Тэрмін прыёму заявак не абмежаваны.

Гранты фонду Elizabeth Greenshields для маладых мастакоў

Фонд Elizabeth Greenshields прапануе фінансавую падтрымку маладым таленавітым мастакам на пачатковым этапе іх творчай кар’еры. Гранты адрасуюцца кандыдатам, якія працуюць у галіне жывапісу, малюнка, гравюры ці скульптуры. Атрыманыя грошы могуць быць выкарыстаныя для любых мэт, звязаных з мастацтвам: вучоба, транспартныя выдаткі, арэнда студыі, набыццё матэрыялаў і інш.

Тэрмін падачы заявак не абмежаваны.

Дацкая літаратура за мяжой і замежная літаратура ў Даніі

Дацкі фонд мастацтваў прапануе фінансаванне літаратурных перакладчыцкіх праектаў з/на дацкую мову, перакладаў пробных фрагментаў, прэзентацый аўтараў, выдаўцоў, ілюстратараў, перакладчыкаў і інш. Прапануюцца таксама гранты на падарожжы, ментарскую і сеткавую падтрымку перакладчыкаў. Заяўкі на фінансаванне могуць падавацца кампаніямі, арганізацыямі, асацыяцыямі і фізічнымі асобамі.

Прыём заявак да 15 лютага 2021 года.

Марбахская стыпендыяльная праграма

Праграма стыпендыяльнай падтрымкі даследчыцкай працы з фондамі Нямецкага літаратурнага архіва ў Марбаху-на Некары для спецыялістаў з закончанай вышэйшай адукацыяй; магчымыя таксама кароткатэрміновыя стыпендыі для магістрантаў. Дадаткова архіў прапануе тэматычныя гранты, якія фінансуюцца партнёрскімі інстытутамі і арганізацыямі. Падаючы заяўку, прэтэндэнты мусяць у ёй абгрунтаваць неабходнасць працы з унікальнымі фондамі архіва, бібліятэкі, інфармацыйнага цэнтра ці калекцыі твораў мастацтва. Заяўкі могуць падавацца на нямецкай або англійскай мове.

Прыём заявак: да 31 сакавіка і да 30 верасня (штогод).

Нацыянальная стыпендыяльная праграма Славацкай Рэспублікі

Стыпендыя ўрада Славацкай Рэспублікі створана для падтрымкі мабільнасці замежных студэнтаў і выкладчыкаў ВНУ, аспірантаў, навуковых супрацоўнікаў і дзеячаў мастацтва і вылучаецца для праходжання вучэбнай, выкладчыцкай, навукова-даследчай або мастацкай стажыроўкі ў ВНУ і навукова-даследчых арганізацыях Славакіі.

Прыём заявак:

  • да 31 кастрычніка – для стажыроўкі на працягу летняга семестра бягучага навучальнага года;
  • да 30 красавіка – для стажыроўкі на працягу наступнага навучальнага года.

Стыпендыяльная праграма "Stipendium Hungaricum" на 2021–2022 гг.

Урад Венгрыі прапануе стыпендыі замежным студэнтам, якія жадаюць атрымаць ступень бакалаўра, магістра ці доктара ў венгерскіх ВНУ. У ліку спецыяльнасцей для кандыдатаў з Беларусі: для доктарскіх праграм – мастацтва і гуманітарныя навукі; для праграм магістратуры – музыка.

Прыём заявак да 16 студзеня 2021 года.

Бібліятэкарам
111