Інфармацыйныя паслугі па дагаворах

Нацыянальная бібліятэка Беларусі аказвае платныя інфармацыйныя паслугі юрыдычным асобам на аснове разавых ці доўгатэрміновых дагавораў згодна Прэйскуранту.

Юрыдычным асобам прадастаўляюцца наступныя паслугі:

• Пошук і адбор бібліяграфічнай і паўнатэкставай інфармацыі (у друкаваным/электронным выглядзе) для юбілейных выданняў арганізацыі/прадпрыемства, па розных тэмах, кірунку дзейнасці, персаналіях, да пэўных падзей і мерапрыемстваў;
• Пошук фактаграфічных даных (інфармацыя, статыстычныя даныя, фатаграфіі і інш.) пра якую-небудзь падзею, асобу, мясцовасць, арганізацыю і г.д.;
• Рэдагаванне бібліяграфічных спісаў літаратуры;
• Маніторынг СМІ;
• Адрасны пошук канкрэтных кніг, газетных/часопісных артыкулаў, дысертацый і інш.;
• Капіраванне/алічбоўка неабходнай інфармацыі;
• Праверка тэкставых дакументаў на наяўнасць запазычанняў з выкарыстаннем спецыялізаваных інфармацыйных сістэм;
• Выдача ў часовае карыстанне арыгіналаў дакументаў па міжбібліятэчным абанеменце;
• Прадастаўленне ў пастаяннае карыстанне ксеракопій і лічбавых копій фрагментаў дакументаў, якія захоўваюцца ў фондах Нацыянальнай бібліятэкі.

Заключэнне дагавора на аказанне інфармацыйных паслуг ажыццяўляецца на аснове гарантыйнага пісьма ў бібліятэку.