ГалоўнаяПаслугiІнфармацыйныя паслугіАбслугоўванне невідушчых карыстальнікаў і карыстальнікаў са слабым зрокам

Абслугоўванне невідушчых карыстальнікаў і карыстальнікаў са слабым зрокам

У бібліятэцы створаны ўмовы для работы невідушчых карыстальнікаў і карыстальнікаў са слабым зрокам з інфармацыяй, прадстаўленай у розных фарматах.

Тыфлатэхнічныя сродкі ператвараюць інфармацыю ў гукавы (маўленне), рэльефна-кропкавы (брайль) і павялічаны фарматы, што дазваляе карыстальнікам з парушэннем зроку самастойна працаваць з электронным каталогам, плоскадрукаванымі і электроннымі выданнямі, айчыннымі і сусветнымі інфармацыйнымі рэсурсамі.

Абсталяванне для праслухоўвання аўдыядакументаў забяспечвае доступ да калекцыі аўдыякніг і музычных твораў.

Устаноўленае ў чытальных залах бібліятэкі спецыяльнае абсталяванне і праграмнае забеспячэнне прадастаўляецца невідушчым і карыстальнікам са слабым зрокам бясплатна.

Работа з плоскадрукаванымі дакументамі

Электронная лупа VideoLight – устройства, якое аб’ядноўвае каляровую камеру, што факусіруецца аўтаматычна, настольную галагенную лямпу і рухомы столік для перамяшчэння матэрыялу, які чытаецца.

Лупа падключаецца да манітора персанальнага камп’ютара, павялічвае тэкст ад 3 да 72 разоў і праецыруе яго на экран манітора ў рэальных колерах або ў камбінацыі з 16 абраных колераў. Для плаўнай рэгуліроўкі павелічэння (да 24 разоў) і для пераключэння манітора паміж камерай і камп’ютарам можна выкарыстоўваць нажное кіраванне.

Электронныя лупы ўстаноўлены ў навуковай чытальнай зале, агульнай чытальнай зале, зале даведачна-інфармацыйнага абслугоўвання і зале перыядычных выданняў.

 

Работа з электроннымі дакументамі

У навуковай чытальнай зале ўсталяваны камп’ютар, абсталяваны праграмай экраннага доступу NVDA, з брайлеўскім дысплеем.

NVDA дазваляе:

  • ажыццяўляць пошук і заказ дакументаў праз электронны каталог НББ;
  • працаваць з паўнатэкставымі і камбінаванымі базамі даных;
  • працаваць з інфармацыйнымі рэсурсамі Інтэрнэту;
  • ствараць і рэдагаваць дакументы, выкарыстоўваючы праграмы Word і Excel;
  • працаваць з PDF-файламі, якія маюць тэкставы слой.

NVDA ператварае электронную інфармацыю ў даступны для невідушчага карыстальніка ці карыстальніка са слабым зрокам фармат:

  • гукавы – выкарыстоўваючы сінтэзатары рускага і англійскага маўлення;
  • рэльефна-кропкавы – дзякуючы праграме падтрымкі брайлеўскага дысплея.

Убудаваная ў Windows 7 праграма “Экранная лупа” дазваляе карыстальнікам са слабым зрокам працаваць з электроннай інфармацыяй у павялічаным фармаце.

Брайлеўскі дысплей SuperVario мае даўжыню радка 80 брайлеўскіх элементаў, кожны з якіх забяспечаны кнопкай маршрутызацыі курсора. На дысплеі таксама размешчаны 6 клавіш для каманд і навігацыі па экране.

Работа з аўдыядакументамі

Узнаўленне дакумента з рабочага месца бібліятэкара

Праслухоўванне аўдыязапісу на рабочы месцы карыстальніка з дапамогай навушнікаў

Для работы з аўдыядакументамі ў зале нотных і аўдыявізуальных дакументаў устаноўлена спецыяльнае абсталяванне.

На рабочым месцы бібліятэкара размешчана апаратура для ўзнаўлення аўдыядакументаў. Рабочае месца карыстальніка абсталявана навушнікамі для праслухоўвання аўдыязапісаў і тэлефонным апаратам для сувязі з бібліятэкарам.

Запіс у бібліятэку ажыццяўляецца ў аддзеле запісу і інфармавання карыстальнікаў пры наяўнасці пашпарта або дакумента, які яго замяняе. Інвалідам па зроку для запісу ў навуковую чытальную залу, дзе ажыццяўляецца абслугоўванне невідушчых і слабавідушчых карыстальнікаў, неабходна прад’явіць пасведчанне інваліда.

Кантакты

Галоўны бібліятэкар аддзела бібліятэчнага абслугоўвання
Тэл.: (8 017) 293 28 55 (унутр. 78 55)
E-mail: obo@nlb.by

Навуковая чытальная зала
Дзяжурны бібліятэкар
Тэл.: (8 017) 293 27 23 (унутр. 77 23)
Зала нотных і аўдыявізуальных дакументаў
Дзяжурны бібліятэкар
Тэл.: (8 017) 293 27 52 (унутр. 77 52)

111