Ствараем разам: народнае мастацтва беларусаў у выставачным праекце “Жывыя крыніцы”

Нацыянальная бібліятэка Беларусі працягвае цыкл майстар-класаў з вядомымі народнымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.

Выстаўка аб’яднала больш за 500 прадметаў, стваральнікі якіх – айчынныя рамеснікі з розных рэгіёнаў нашай краіны. Майстры дэманструюць узоры традыцыйных беларускіх промыслаў, падкрэсліваючы: народнае мастацтва застаецца актуальным і нават модным ва ўсе часы.

Экспанаты – адлюстраванне сапраўднага шляху жыцця беларусаў, з якіх можна даведацца пра шматвяковыя традыцыі беларускага народнага мастацтва, віды і формы традыцыйнай мастацкай творчасці: разьбу па дрэве, ганчарства, кавальства, ткацтва, вышыўку, роспіс, пляценне з прыродных матэрыялаў.

У кожнага наведвальніка майстар-класаў будзе магчымасць стварыць сваю эксклюзіўную творчую работу – асабісты абярэг, цудоўны падарунак, мастацкі твор ці нават прадмет упрыгожвання інтэр’ера. Неверагодныя сустрэчы з удзельнікамі Беларускага саюза майстроў народнай творчасці пакінуць цёплыя ўражанні і шчырую радасць, а таксама паглыбяць веды пра чароўную гісторыю нашай краіны.

Графік правядзення майстар-класаў на чэрвень:

• 01.06 (ср) з 16.00 да 19.00. Майстар-клас па вырабе падстаўкі пад гарачае ў тэхніцы "лазапляценне" (майстар народнай творчасці Н.А. Гефліх);
• 07.06 (аўт) з 10.30 да 13.30. Майстар-клас па вырабе закладкі для кнігі ў тэхніцы "маляванка" (майстар народнай творчасці Н.Р. Керус);
• 09.06 (чц) з 16.00 да 19.00. Майстар-клас па вырабе закладкі для кнігі ў тэхніцы "маляванка" (майстар народнай творчасці Н.Р. Керус);
• 14.06 (аўт) з 16.00 да 19.00. Майстар-клас па вырабе падвескі ў тэхніцы "вышыўка" (майстар народнай творчасці Н.С. Цыркунова);
• 16.06 (чц) з 10.00 да 13.00. Майстар-клас па вырабе падвескі ў тэхніцы "вышыўка" (майстар народнай творчасці Н.С. Цыркунова);
• 20.06 (пн) з 10.00 да 13.00. Майстар-клас па вырабе абярэгаў у тэхніцы "лазапляценне" (майстар народнай творчасці А.В. Гурэцкая);
• 21.06 (аўт) з 10.00 да 13.00. Майстар-клас па вырабе закладкі для кнігі ў тэхніцы "выцінанка" (майстар народнай творчасці Ю.А. Лукашэвіч);
• 23.06 (чц) з 16.00 да 19.00. Майстар-клас па вырабе закладкі для кнігі ў тэхніцы "выцінанка" (майстар народнай творчасці Ю.А. Лукашэвіч).

Пагружайцеся ў крыніцы народнага мастацтва разам з Нацыянальнай бібліятэкай!

• для дарослых – 6 рублёў;
• для навучэнцаў сярэдніх, сярэднеспецыяльных і вышэйшых устаноў – 3 рублі;
• сямейны квіток (2 дарослых з дзіцём да 16 гадоў) – 11 рублёў;
• сямейны квіток (2 дарослых з 2 дзецьмі да 16 гадоў) – 13 рублёў;
• шматдзетныя сем’і (пры прад'яўленні дакумента) – 13 рублёў.

• дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
• суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).

Час работы выстаўкі адпавядае рэжыму работы бібліятэкі.

Тэлефоны для даведак: (8 017) 293 27 50, 368 37 37.

Глядзіце таксама рэпартаж тэлеканала "Беларусь 1" пра этнапраект і відэа пра майстар-класы, якія арганізуюцца ў яго межах.