ГалоўнаяНавіныВыставачныя мультыпраекты
“Святло дабрыні” заззяла ў Нацыянальнай бібліятэцы

Мастацтва перадачы модных ідэй – у праекце “FASHION-ілюстрацыя” (+відэа)

Мастацтва перадачы модных ідэй – у праекце “FASHION-ілюстрацыя” (+відэа)
Іншыя навіны

27 студзеня ў атрыуме Нацыянальнай бібліятэкі (2-гі паверх) адбылося ўрачыстае адкрыццё выстаўкі “FASHION-ілюстрацыя”.

Экспазіцыя створана ў межах штогадовага выставачнага праекта "Гісторыя і сучаснасць кніжнай графікі" і прадстаўляе гісторыю ўзнікнення і досвед развіцця fashion-ілюстрацыі – мастацтва перадачы модных ідэй у візуальнай форме.

Генеральны дырэктар Нацыянальнай бібліятэкі Беларусі Аксана Кніжнікава выступіла з прывітальным словам і акрэсліла асноўную мэту выставачнага праекта.

2-Fashion-il..jpg

Аўтар уласнага брэнда моднага адзення Tamara Harydavets, уладальнік аднайменнага атэлье мастацтваў, член Беларускай палаты моды, Беларускага саюза дызайнераў, пастаянны ўдзельнік Belarus Fashion Week Тамара Гарыдавец распавяла пра супрацоўніцтва з Нацыянальнай бібліятэкай і вынікі плённай працы ўдзельнікаў.

Прыемным падарункам для прысутных сталі творчы нумар ад узорнага ансамбля танца “Беларусачка” і модны паказ ад Нацыянальнай школы прыгажосці і беларускіх фэшн-дызайнераў. Таксама ў дзень вернісажу гледачы мелі рэдкую магчымасць убачыць арыгінальнае выданне 1590 г. з гравюрамі італьянскага мастака і гравёра Чэзарэ Вячэліа, на якіх адлюстравана моднае адзенне розных краін свету XVI ст.

У экспазіцыі "FASHION-ілюстрацыя" можна ўбачыць:

  • факсіміле летапісных зводаў еўрапейскіх і беларускіх зямель з выявай адзення тагачаснага насельніцтва і зборамі саслоўных партрэтаў вышэйшых слаёў грамадства;
  • моду XVIII–ХІХ стст. – арыгінальныя аўтарскія гравюры з выявай жаночых і мужчынскіх касцюмаў, лепшыя часопісы моды еўрапейскіх і расійскіх выдаўцоў;
  • уражальныя і экспрэсіўныя акварэлі беларускай fashion-ілюстратаркі Веранікі Талецкай;
  • творчыя працы студэнтаў кафедры дызайну моды факультэта сацыякультурных камунікацый БДУ;
  • рэчы з асабістай калекцыі Ігара Сурмачэўскага;
  • дэталёвую рэканструкцыю галаўных убораў, сукенак і сумачак ад Ганны Юхнавец.

4-Fashion-il..jpg

Тэма ўзаемапранікнення моды і мастацтва прадстаўлена ў работах вядомых дызайнераў Беларускай палаты моды, якая аб’ядноўвае таленты ўсёй краіны: свае карціны і сукенкі экспануюць Тамара Гарыдавец (Віцебск), Таццяна Яфрэмава (Віцебск), Кацярына Буцер (Брэст), Вольга Дзяйко (брэнд “Ежевика”) сумесна з мастаком Аляксандрам Некрашэвічам (Мінск).

Нацыянальная бібліятэка Беларусі выказвае шчырыя словы падзякі суарганізатарам выстаўкі – старшыні Беларускай палаты моды Яніне Ганчаровай, загадчыцы кафедры дызайну моды факультэта сацыякультурных камунікацый Беларускага дзяржаўнага ўніверсітэта Алене Атраховіч, дырэктару Нацыянальнай школы прыгажосці Бажэне Ярэміч, калекцыянеру Ігару Сурмачэўскаму, беларускаму мастаку Аляксандру Некрашэвічу, дырэктару Нацыянальнага цэнтра мастацкай творчасці дзяцей і моладзі Надзеі Васільчанка.


Праект “FASHION-ілюстрацыя” будзе доўжыцца да 22 мая 2022 г.
Дата заканчэння працы экспазіцыі можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Глядзіце рэпартажы пра выставу тэлеканала "Беларусь 1":

Матэрыял пададзены аддзелам сувязей з грамадскасцю.

Навіны

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Падзяка за паспяховае супрацоўніцтва ў лічбавізацыі культурнай спадчыны

19 Май 2022

19 мая ў рамках II Міжнароднага лічбавага форуму #GBC (Дзяржава. Бізнес. Грамадзяне) намеснік генеральнага дырэктара ТАА “Беларускія воблачныя тэхналогіі” Міхаіл Дука ўручыў генеральнаму дырэктару Нацыянальнай бібліятэкі Беларусі Аксане Кніжнікавай падзяку за паспяховае супрацоўніцтва пры рэалізацыі праекта па лічбавізацыі культурнай спадчыны Беларусі.

Навіны Нацыянальнай бібліятэкі Беларусі

Віншуем з 85-годдзем Святлану Уладзіміраўну Фядулаву!

21 Май 2022

Калектыў Нацыянальнай бібліятэкі Беларусі ад усёй душы віншуе Святлану Уладзіміраўну з цудоўным юбілеем і жадае даўгалецця, шчасця і дабрабыту, невычэрпнай энергіі і сіл. Хай кожны ваш дзень будзе напоўнены гармоніяй і спакоем!

Партрэты: гісторыя бібліятэкі ў асобах

Візіт дэлегацый сталічных падраздзяленняў органаў унутраных спраў дзяржаў – удзельніц СНД

18 Май 2022

18 мая Нацыянальную бібліятэку Беларусі наведалі дэлегацыі сталічных падраздзяленняў органаў унутраных спраў / паліцыі дзяржаў – удзельніц Садружнасці Незалежных Дзяржаў.

Навіны Нацыянальнай бібліятэкі Беларусі

XXVIII Міжнародныя Кірыла-Мяфодзіеўскія чытанні

17 Май 2022

17 мая ў Нацыянальнай бібліятэцы Беларусі адкрыліся XXVIII Міжнародныя Кірыла-Мяфодзіеўскія чытанні “Хрысціянства ў Беларусі: гісторыя, тэалогія, традыцыі”, прымеркаваныя да 1030-годдзя Праваслаўнай царквы на беларускіх землях.

Навіны Нацыянальнай бібліятэкі Беларусі

Бібліятэкарам