ГалоўнаяНавіныВіртуальныя выстаўкі
“Ад Максіма Кніжніка пачатак”: аповесць “Развітанне” Барыса Мікуліча
«Я просты, біты жыццём беларус, які мае толькі адну мэту – застацца сумленным...» Некалькі суб'ектыўных згадак пра Васіля Быкава

Самая медыйная касмічная кніга: анлайн-выстава да Міжнароднага дня музеяў

Самая медыйная касмічная кніга: анлайн-выстава да Міжнароднага дня музеяў
Іншыя навіны

Гэта кніга – сапраўдная яркая зорка небасхілу экспазіцыі музея кнігі. Самая медыйная, бо вельмі запатрабаваная ў СМІ. Пра яе зняты шматлікія сюжэты і нават фільм! Самая касмічная, бо імкліва апярэдзіла на некалькі стагоддзяў свой час, многія адкрыцці аўтара актуальныя і сёння. Але досыць інтрыг…

Магчыма, вы ўжо здагадаліся, што гаворка ідзе пра знакаміты трактат “Вялікае мастацтва артылерыі”. Яго аўтар – наш зямляк, піянер ракетабудавання, тэарэтык артылерыі, мысліцель-гуманіст Казімір Семяновіч, 420 гадоў з дня нараджэння якога святкуецца сёлета.

На працягу стагоддзяў унікальная манаграфія была адной з найважнейшых і запатрабаваных у Еўропе навуковых прац, фундаментальнай крыніцай для тых, хто стаяў ля вытокаў сучаснага ракетабудавання і вывеў чалавецтва ў космас. Нездарма даследаванне было перакладзена на шматлікія еўрапейскія мовы (французскую, нямецкую, англійскую, польскую і інш.).

На анлайн-выставе прадстаўлена поўная калекцыя старадрукаў “Вялікае мастацтва артылерыі” Казіміра Семяновіча, якая захоўваецца ў фондзе бібліятэкі.

Першая кніга выйшла ў свет у 1650 г. у Амстэрдаме, у друкарні вядомага выдаўца Ёгана Янсана. Даследаванне выдадзена на лацінскай мове, зразумелай усім навукоўцам Еўропы таго часу. Яно складаецца з пяці частак і ўключае гравюры з 206 малюнкамі, выкананымі па эскізах аўтара.

Праз год, у 1651-м, трактат выйшаў на французскай мове ў таго ж выдаўца ў Амстэрдаме. Пераклад быў падрыхтаваны пад наглядам самога Казіміра Семяновіча.

У 1676 г. кніга ўбачыла свет на нямецкай мове ў перакладзе Томаса Бэрэна. Выданне, акрамя працы Казіміра Семяновіча, змяшчае прадмову і другую частку, напісаную капітанам артылерыі Д. Эрліхам, а таксама вялікую колькасць новых цудоўна выкананых гравюр.

У 1729 г. манаграфія Казіміра Семяновіча была выдадзена ў Лондане на англійскай мове.

Нацыянальная бібліятэка Беларусі набыла каштоўныя старадрукі ў тым ліку і дзякуючы падтрымцы мецэнатаў (ААТ “БПС-Сбербанк”, СЗАТ “БелАВМ”). Лічбавыя копіі выданняў знакамітага трактата на латыні, французскай, нямецкай і англійскай мовах даступныя праз электронны каталог бібліятэкі.

Візуальны вобраз аўтара, яго вынаходніцтваў і асобных старонак манаграфіі знайшлі сваё адлюстраванне ў марках, манетах, скульптуры. Некаторыя з іх прадстаўлены на анлайн-стужцы нашай выставы.

У 2016 г. студыяй гістарычных фільмаў “Майстэрня Уладзіміра Бокуна” ў рамках тэлевізійнага праекта “100 імёнаў Беларусі” быў створаны гістарычны дэтэктыў “Казімір Семяновіч. Вялікае мастацтва артылерыі”. У аснову фільма пакладзены архіўныя матэрыялы XVII ст. і ўнікальныя фрагменты сусветна вядомай кнігі. Для здымак нават правялі запуск ракеты, узноўленай па арыгінальных малюнках беларускага навукоўца. 

Запрашаем усіх да знаёмства з самай медыйнай касмічнай кнігай!

Матэрыял падрыхтаваны навукова-даследчым аддзелам кнігазнаўства.

Навіны

Вялікі космас у малым фармаце: у Нацыянальнай бібліятэцы адкрылася выстава “Разцовая гравюра: Лембіт Лыхмус і венская школа”

19 Сту 2022

Разцовая гравюра выкарыстоўвалася графікамі з XV ст., а ў канцы XVI – XVIII ст. мела пашырэнне ў Беларусі. Цяпер яна ўвасобілася ў графіцы малых форм – экслібрысах.

Кніжныя выстаўкі

У Нацыянальнай бібліятэцы “Беларускі салавей” загучаў па-новаму

19 Сту 2022

18 студзеня ў бібліятэцы адбылася ўрачыстая цырымонія ўзнагароджання пераможцаў па выніках літаратурнага конкурсу “Беларускі салавей”, прымеркаванага да 135-годдзя з дня нараджэння Змітрака Бядулі.

Да 100-годдзя літаб'яднання "Маладняк"

Акцыя па перадачы кніг прыходу храма Святой Роўнаапостальнай княгіні Вольгі

19 Сту 2022

У чарадзе навагодніх святаў асаблівае месца займаюць Каляды – час дабрых спраў і падарункаў. Працягваючы шматгадовую традыцыю акцый па перадачы кніг бібліятэкам, супрацоўнікі Нацыянальнай бібліятэкі наведалі ў Мінску прыход храма Святой Роўнаапостальнай княгіні Вольгі і перадалі бібліятэцы нядзельнай школы больш за 200 выданняў.

Навіны Нацыянальнай бібліятэкі Беларусі

Разнастайнасць моў – вялікае дасягненне чалавецтва

19 Сту 2022

З 19 студзеня па 22 лютага ў зале дакументаў міжнародных арганізацый (пам. 207g) адкрыта тэматычная выстава “Разнастайнасць моў – вялікае дасягненне чалавецтва”, прысвечаная Міжнароднаму дзесяцігоддзю моў карэнных народаў (2022–2032).

Кніжныя выстаўкі

Запрашаем прыняць удзел у навукова-практычным семінары “Ураджэнцы роднага краю”

18 Сту 2022

У рамках рэспубліканскага праекта “На хвалі часу, у плыні жыцця” (2019–2023) у Нацыянальнай бібліятэцы Беларусі адбудзецца навукова-практычны семінар, прысвечаны ўшанаванню памяці пісьменнікаў-маладнякоўцаў на радзіме.

Да 100-годдзя літаб'яднання "Маладняк"

Бібліятэкарам