ГалоўнаяНавіныВіртуальныя выстаўкі
29 красавіка 1945 года. 10 дзён да Перамогі
ЭкаChallenge

Мода, вясна і добры настрой

Мода, вясна і добры настрой
Іншыя навіны

Віртуальная выстава модных часопісаў адкрылася ў межах электроннага рэсурсу Нацыянальнай бібліятэкі Беларусі “Лічбавы калейдаскоп”.

Выстава “Модны глянец” знаёміць чытачоў з электроннымі копіямі “модных часопісаў” XVIII–XX стагоддзяў, якія захоўваюцца ў фондах НББ. З выданняў можна даведацца пра тэндэнцыі моды і пазнаёміцца з дызайнам мадэляў жаночага, мужчынскага і дзіцячага адзення мінулых часоў. Модныя агляды ў шэрагу часопісаў уключаюць поўнае апісанне дэталяў касцюмаў і гравюры, размаляваныя ўручную акварэллю. Напрыклад, са знакамітымі французскімі часопісамі “Le Moniteur de la mode. Journal du grand monde: modes, literature, beaux-arts, theatres, ets.” і “Petit Courrier des Dames. Journal des Modes” працавалі лепшыя мастакі Парыжа, ствараючы з натуры ўнікальныя малюнкі. Сёння гэтыя маляўнічыя гравюры – бясцэнныя гістарычныя сведчанні мінулай эпохі.

Moda_1912.jpg

У рускіх часопісах ХХ стагоддзя, апроч артыкулаў пра моду і багатых яркіх ілюстрацый, для “прыемнага чытання” жанчын друкавалася свецкая хроніка з “надзвычай цікавымі фактамі з жыцця” вядомых сучаснікаў, парады па вядзенні хатняй гаспадаркі і доглядзе за сабой, паэзія, перакладная проза.

Мы спадзяёмся, што выстава будзе карысная ўсім знатакам моды, уключаючы прафесіяналаў – гісторыкаў, мадэльераў, касцюмераў і музейных работнікаў.

Жадаем прыемнага прагляду!

Матэрыял прадастаўлены аддзелам фарміравання электроннай бібліятэкі.

Навіны

Чым заняцца кнігалюбу, калі сіл няма чытаць

24 Сту 2022

Мы ўсё стамляемся. Шчыльны расклад, завалы на працы, стрэс, эмацыйныя перагрузкі і іншыя дробязі жыцця часам адымаюць у нас усякае жаданне займацца нават любімым хобі – і гэта нармальна. Тым больш калі ваша хобі – чытанне. Часам варта зрабіць перапынак у паглынанні выдуманых гісторый і заняцца чым-небудзь іншым, што не зробіць вас меней фанатычным аматарам літаратуры. Прэзентуем вам сем цалкам кніжных актыўнасцей – і гэта нават не чытанне.

Аўтарскі погляд

Арт-кніга “Ясон”

24 Сту 2022

25 студзеня а 16-й гадзіне ў музеі кнігі адбудзецца ўрачыстае адкрыццё выставы-прэзентацыі твора сучаснага выяўленчага і кніжнага мастацтва – арт-кнігі “Ясон”.

Кніжныя выстаўкі

Размова з адвакатам аб абароне праў спажыўцоў

24 Сту 2022

20 студзеня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Абарона праў спажыўцоў: прававыя і практычныя аспекты ”.

Навіны Нацыянальнай бібліятэкі Беларусі

Бібліятэкарам