24 красавіка спаўняецца 130 гадоў з дня нараджэння Іосіфа Бенцыянавіча Сіманоўскага (1892–1967) – вядомага бібліятэказнаўца, бібліёграфа і арганізатара бібліятэчнай справы ў Беларусі, які стаяў ля вытокаў бібліятэчнай адукацыі ў нашай краіне.
І.Б. Сіманоўскі працаваў дырэктарам Дзяржаўнай бібліятэкі БССР імя У.І. Леніна (цяпер Нацыянальная бібліятэка Беларусі) ад самага яе заснавання на працягу 40 гадоў. Пад яго кіраўніцтвам бібліятэка вырасла ў найбуйнейшае кнігасховішча і цэнтр бібліятэказнаўчай і бібліяграфічнай работы ў рэспубліцы.
Сваёй прэзентацыяй мы ўшаноўваем памяць Іосіфа Бенцыянавіча Сіманоўскага, чалавека-эпохі, які сваё жыццё прысвяціў бібліятэчнай справе Беларусі.
Прэзентацыя падрыхтавана навукова-даследчым аддзелам бібліяграфіі.
