ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Музычная вясна пачалася фартэпіянным канцэртам
Закон, па якім жыве краіна

9 сакавіка 1945 года. 62 дні да Перамогі

9 сакавіка 1945 года. 62 дні да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Навіны саюзнікаў. Падрыхтоўка да веснавых работ. Мерапрыемствы 23 лютага і 8 сакавіка. Кнігі пра жанчын на вайне. Газеты: “Звязда” (№ 47), “Советская Белоруссия” (№ 45, 46), “Сталинский путь” (Іванаўскі раён, № 20).

Паспяховыя ваенныя дзеянні працягваліся на Заходнім фронце. З Лондана перадалі, што войскі саюзнікаў фарсіравалі Рэйн на поўдзень ад Кёльна, за 2 дні занялі каля 50 населеных пунктаў, вядуць баі ў Боне – ужо палова горада ачышчана ад нямецкіх войскаў; амерыканская авіяцыя здзейсніла больш за 2 000 налётаў на нямецкія ваенныя аб’екты; англійскія ўлады вырашаюць пытанне пра вяртанне з Афрыкі палонных з грэчаскага вайсковага кантынгенту, вялікая частка з якіх – палонныя ўласаўцы, вывезеныя ў Афрыку падчас баёў у Грэцыі. З Парыжа перадаюць пра хваляванні ў Мюнхене, з Гетэборга – пра хваляванні сярод нямецкіх частак у Капенгагене (“Звязда”, № 47; “Советская Белоруссия”, № 46).

На 2-й старонцы газеты “Звязда” (№ 47) – фота 4-х лётчыкаў з вайсковай часткі Францыі “Нармандыя”, якія паспяхова ваююць на савецка-германскім фронце на баку Чырвонай арміі.

У газеце “Сталинский путь” Іванаўскага раёна Брэсцкай вобласці (№ 20) паведамляецца, што ў Моладаўскім сельсавеце абсталяваны 2 кузні для падрыхтоўкі інвентара да веснавых работ і арганізавана сталярная майстэрня, у якой рамантуюць калёсы. А ў Мотальскай школе 23 лютага школьнікі сустрэліся з удзельнікам вайны і выслухалі яго аповед пра баі, напісалі лісты франтавікам, прынялі ўдзел у 6-кіламетровым кросе і ваеннай гульні.

Да Міжнароднага жаночага дня 8 сакавіка ў бібліятэцы Дома партыйнай асветы адкрылася выстава літаратуры, на якой былі прадстаўлены кнігі пра савецкую жанчыну, пра ўдзельніц Вялікай Айчыннай вайны (“Советская Белоруссия”, № 45). Якія кнігі на ёй маглі быць? Ніжэй прапануем віртуальную выставу некалькіх выданняў таго часу (з фондаў НББ), якія цалкам маглі быць прадстаўлены на гэтым мерапрыемстве.

1.jpg2.jpg3.jpgСов жен_1944.jpg

А да Перамогі заставалася 62 дні...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння НББ.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111