ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
9 красавіка 1945 года. 30 дзён да Перамогі
“Спыніцца, азірнуцца…”: выстава да 80-годдзя Эдуарда Ханка

8 красавіка 1945 года. 31 дзень да Перамогі

8 красавіка 1945 года. 31 дзень да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Вызваленне гарадоў у Аўстрыі. Штурм горада і крэпасці Кёнігсберг. Весткі з Балтыйскага флоту. Вызваленне саюзнікамі нямецкіх гарадоў. Бітва за будучы ўраджай. Працоўныя пачыны і спаборніцтвы. Сяляне надзяляюцца землямі. Газеты: “Советская Белоруссия” (№ 63), “Звязда” (№№ 64, 65), “Совецкая радзіма” (№ 56).

У гэты дзень нашы войскі пачалі штурм горада і крэпасці Кёнігсберг, завяршыўшы акружэнне груповак праціўніка, якія іх абараняюць. Войскамі 3-га Украінскага фронту ў Аўстрыі вызвалены гарады Тульн і Ной-Ленгбах. За дзень бою было ўзята ў палон больш за 15 000 салдат і афіцэраў. У раёне Брэслау працягваліся баі па знішчэнні акружанай групоўкі (“Совецкая радзіма”, № 56). Радуюць весткі з Балтыйскага флоту. Авіяцыя Чырванасцяжнага Балтыйскага флоту, пачаўшы 7 красавіка, нанесла ўдары па караблях і транспартах саперніка ў партах Пілау і Данцыгскай бухце. У выніку патоплена 9 нямецкіх транспартаў агульным водазмяшчэннем за 36 000 тон, адзін мінаносец, 2 вартавыя караблі, 2 хуткаходныя дэсантныя баржы. Прамым пападаннем бомбаў пашкоджаны: крэйсер, мінаносец, адзін транспарт і два тральшчыкі саперніка агульным водазмяшчэннем у 6 000 і 4 000 тон. Саюзныя войскі занялі 30 нямецкіх гарадоў і вёсак (“Звязда”, № 65).

А ў рэспубліцы разгортваецца “бітва” за будучы ўраджай. У гэты дзень у перадавых артыкулах рэспубліканскіх газет надрукаваны зварот работнікаў сельгасарцелі імя Варашылава Церахаўскага (цяпер Добрушскага) раёна Гомельскай вобласці да ўсіх работнікаў сельскай гаспадаркі Беларускай ССР “Узорна правядзём веснавую сяўбу!”. Усё насельніцтва рэспублікі ахоплена працоўным імпэтам. У рэгіёнах працягваюць узнікаць розныя працоўныя пачыны, ініцыююцца сацыялістычныя спаборніцтвы паміж калгасамі, асобнымі брыгадамі, звёнамі, перавыконваюцца дзённыя нормы. Значна перакрываюць нормы ўзворвання сельгасарцелі Старадарожскага раёна, у калгасе “Ларынаўка” Аршанскага раёна за два дні ўзарана 14 гектараў, у Чашніцкім раёне за гэты ж час засеяны 51 гектар. Працуючы па-франтавому слесары-аўтаматчыкі Стаўбцоўскага вагоннага дэпо штодня выконваюць нормы на 120–150%. Рыбакі возера Палек узялі абавязацельства перавыканаць план 1945 года па лоўлі рыбы. Калектыў Цімкавіцкай машынна-трактарнай станцыі (МТС) выклікаў на спаборніцтва працаўнікоў Слуцкай МТС. Горача адгукнуліся транспартнікі Брэст-Літоўскай чыгункі на заклік калектыву чыгуначнай станцыі Баранавічы-Цэнтральная сустрэць свята 1 мая новымі вытворчымі дасягненнямі («Советская Белоруссия», № 63).

Натхненне і самаадданасць, якімі напоўнены працоўныя будні беларускага народа, знаходзяць адлюстраванне і ў працах па адраджэнні разбураных гарадоў. З надыходам вясны аднаўленчыя работы ў іх пачынаюць разгортвацца з новай сілай. Гэтаму прысвечана публікацыя ў газеце “Звязда” “Нястомна клапаціцца пра дабрабыт нашых гарадоў”. Ён заклікае да сістэматычнасці гэтай працы, лічачы яе адной з баявых задач ліквідацыі наступстваў нямецкай акупацыі. Падкрэсліваецца важнасць мабілізацыі ўсёй грамадскасці, усяго насельніцтва гарадоў на іх аднаўленне (“Звязда”, № 64).

Падзея гэтага дня – уручэнне Беларускай ССР пераходнага Чырвонага сцяга Дзяржаўнага камітэта абароны. Урачыстая працэдура адбылася ў Мінску на нарадзе перадавікоў па рамонце трактароў, прадстаўнікоў партыйных, савецкіх арганізацый і зямельных органаў (“Звязда”, № 65).

Радасныя падзеі адбываюцца ў заходніх абласцях рэспублікі: сем'і былых батракоў і малазямельных сялян надзяляюць землямі. Актыўна ідзе гэты працэс у Пінскай вобласці. Тут 3 471 сялянская сям'я атрымала 21 938 гектараў зямлі, якая была адабраная ў іх падчас акупацыі (“Звязда”, № 64).

У Саўнаркаме БССР і ЦК КП(б)Б падведзены вынікі сацспаборніцтва прадпрыемстваў мясцовай прамысловасці і прамкааперацыі за люты 1945 года (“Звязда”, № 64).

Да Перамогі засталося 32 дні...

Аўтар публікацыі: Вольга Сабалеўская, аддзел карпаратыўнага ўзаемадзеяння НББ.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

9 Ліп 2020

Вядомы музыка, краяўзнаўца, пісьменнік Юры Несцярэнка дэбютаваў як дзіцячы аўтар: у мінскім выдавецтве “Каўчэг” выйшла яго кніга для малодшых школьнікаў на беларускай мове “Чароўныя назвы”.

Навіны бібліятэк

Па Мазырскім краі – віртуальна ў летні дзень

8 Ліп 2020

Краязнаўчы напрамак сваёй дзейнасці працягвае Мазырская цэнтральная раённая бібліятэка імя А. С. Пушкіна Гомельскай вобласці. Яна прадаставіла віртуальнай чытальнай зале Нацыянальнай бібліятэкі Беларусі адразу некалькі сваіх рэсурсаў пра край.

Бібліятэка анлайн

Інтэрв’ю з гендырэктарам Нацыянальнай бібліятэкі да Дня Незалежнасці

7 Ліп 2020

А вы ведалі, што Беларусь займае 10-е месца ў свеце па колькасці бібліятэк на мільён насельніцтва? Да Дня Незалежнасці здымачная група тэлеканала АНТ прыехала ў беларускі храм кнігі, каб сустрэцца з яго кіраўніком.

Навіны Нацыянальнай бібліятэкі Беларусі

7 Ліп 2020

7 ліпеня 1882 года ў вёсцы Вязынка, што паміж Мінскам і Маладзечна, нарадзіўся Янка Купала. Звычайны беларускі хлапец з танклявымі рысамі твару мог паўтарыць лёс свайго бацькі – дробнага шляхціца, які жыў з арэнды зямлі.

Навіны бібліятэк

Нацыянальная бібліятэка Беларусі на міжрэгіянальным круглым стале “Метадычная служба рэгіянальных бібліятэк у сучасных умовах”

7 Ліп 2020

Да 75-годдзя Вялікай Перамогі 3 ліпеня 2020 года ў Пензенскай абласной бібліятэцы імя М. Ю. Лермантава ў фармаце анлайн адбыўся XII Міжрэгіянальны круглы стол “Метадычная служба рэгіянальных бібліятэк у сучасных умовах”, удзел у якім Нацыянальная бібліятэка Беларусі прыняла ўпершыню.

Навіны Нацыянальнай бібліятэкі Беларусі

111