ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Выказваем падтрымку Італіі ў барацьбе з каранавірусам
Бібліятэка атрымала новыя кнігі беларускіх аўтараў у перакладах на замежныя мовы

26 сакавіка 1945 года. 44 дні да Перамогі

26 сакавіка 1945 года. 44 дні да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Масава-палітычная работа. Папяровая фабрыка "Чырвоная зорка" ў Чашніках. Газеты: "Сцяг соцыялізма" Чашніцкага раёна (№ 20), "Ленінскі шлях" Горацкага раёна (№ 21).

Газеты тых гадоў часта публікавалі матэрыялы пра масава-палітычную работу, працу агітатараў.

Пра яе важнасць на сяле піша "Сцяг соцыялізма" (№ 20) Чашніцкага раёна Віцебскай вобласці. Задача агітатараў – веснавыя работы правесці ў тэрмін і на высокім узроўні. Неабходна распавесці сялянам і калгаснікам аб становішчы на фронце і плане развіцця сельскай гаспадаркі ў БССР на 1945 год, арганізаваць сацыялістычнае спаборніцтва і ўзаемную праверку выканання абавязацельстваў. А моладзь павінна стаць "запявалай у арганізацыі і правядзенні пасяўной".

Пра моладзь напісала і газета "Ленінскі шлях" Горацкага раёна Магілёўскай вобласці (№ 21) тыдзень таму, так і назваўшы перадавы артыкул – "Масава-палітычная работа сярод моладзі ў перыяд падрыхтоўкі да веснавой сяўбы". Працу гэту павінен узначаліць камсамольскі актыў разам з аграномам, заатэхнікам, перадавікамі калгасу. Кожны працэс падрыхтоўкі да палявых работ – рамонт інвентару, падрыхтоўка насення, збор і вываз на палі ўгнаенняў, падрыхтоўка цяглавой сілы – вымагае аргументаванай размовы з калгаснікамі і моладдзю; ад правільнага выканання кожнага з гэтых працэсаў наўпрост залежыць, з якім ураджаем краіна будзе жыць у наступным годзе. Камсамольцы таксама павінны “аказаць дапамогу хатам-чытальням у разгортванні агітацыйна-масавай работы сярод калгаснікаў, арганізацыі гурткоў па вывучэнні аграноміі і заатэхнікі. Пры школах і хатах-чытальнях [трэба] стварыць гурткі мастацкай самадзейнасці, практыкаваць іх выступы ў калгасах, суправаджаць такія выступы гутаркамі аграномаў і заатэхнікаў".

"Сцяг соцыялізма" (№ 20) Чашніцкага раёна размясціў матэрыял аб папяровай фабрыцы "Чырвоная зорка" ў Чашніках, ад якой пасля ваенных дзеянняў засталіся толькі руіны. Пасля іх расчысткі прыйшлося аднаўляць вузкакалейную чыгунку, якая вядзе ад фабрыкі, рамантаваць матавозы і ваганеткі, шлюзы, турбіны, масты і каналы, станкі, механічную кузню і лесапілавальны цэх. Аднаўленчыя працы маглі праходзіць хутчэй, калі б дапамаглі суседнія калгасы. (Толькі ў верасні 1945 года фабрыка выпусціла першую прадукцыю. Дарэчы, гэта фабрыка, якая вядзе сваю гісторыю з 1886 года і сёння ў працы! Знаходзячыся ў складзе Светлагорскага цэлюлозна-кардоннага камбіната, яна выпускае розныя віды папяровых вырабаў (мяшкі, кардонныя скрыні, упакоўку і многае іншае) – заўв. аўт.).

А да Перамогі заставалася 45 дзён...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

Пра сучасную Беларусь распавядае новая выстава бібліятэкі

5 Жні 2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Кніжныя выстаўкі

Беларускія кнігі перададзены аўтаноміі беларусаў Расіі

5 Жні 2020

3 жніўня ў рамках дабрачыннай акцыі “Пра Беларусь – беларусам замежжа” Федэральнай нацыянальна-культурнай аўтаноміі беларусаў Расіі перададзена ў дар больш за 300 асобнікаў беларускіх выданняў.

Навіны Нацыянальнай бібліятэкі Беларусі

Пра папаўненне фондаў бібліятэкі ўнікальнымі выданнямі – у эфіры тэлеканала СТБ

4 Жні 2020

У рамках дабрачыннага праекта “Кнізе – другое жыццё”, які ажыццяўляецца кампаніяй ТАА “БЕЛГІПС-ЭКА”, фонды Нацыянальнай бібліятэкі Беларусі папоўніліся чатырма каштоўнымі фаліянтамі.

Навіны Нацыянальнай бібліятэкі Беларусі

Радзіма і яе лёс: асэнсаванне творчасці Рыгора Барадуліна

4 Жні 2020

Юныя чытачы актыўна прынялі ўдзел у конкурсе да 85-годдзя з дня нараджэння народнага паэта Беларусі Рыгора Барадуліна, які арганізавала Нацыянальная бібліятэка Беларусі. Прадстаўляем частку творчых работ канкурсантаў, прысвечаных тэме “Радзіма і яе лёс”.

Навіны Нацыянальнай бібліятэкі Беларусі

Пра бібліятэку анлайн і “жыўцом” – на тэлеканале “РТР-Беларусь”

3 Жні 2020

У сувязі з успышкай каранавіруснай інфекцыі Нацыянальная бібліятэка Беларусі была зачынена. Аднак супрацоўнікі “алмаза ведаў” не дазволілі сабе расслабіцца ў гэты перыяд, бо пачаўся пік вучэбнай дзейнасці – уся праца праводзілася ў рэжыме анлайн.

Навіны Нацыянальнай бібліятэкі Беларусі

Чытай на мове: сусветная літаратура па-беларуску

4 Жні 2020

Інтарэс да кніг на беларускай мове павялічваецца з кожным годам. Прычым, чытачы не абмяжоўваюцца нашай класікай – попыт ёсць і на сусветную літаратуру ў перакладзе. Многія замежныя бестселеры можна знайсці на рускай, але ж выдавецтвы ўсё больш публікуюць па-беларуску.

Аўтарскі погляд

1 Жні 2020

Паэт, празаік, публіцыст, перакладчык, крытык. Лаўрэат Дзяржаўнай прэміі Беларусі, літаратурнай прэміі імя Аркадзя Куляшова, заслужаны работнік культуры. Гэта ўсё – Сяргей Грахоўскі.

Навіны бібліятэк

2 Жні 2020

Паэт, празаік, публіцыст, перакладчык, крытык. Лаўрэат Дзяржаўнай прэміі Беларусі, літаратурнай прэміі імя Аркадзя Куляшова, заслужаны работнік культуры. Гэта ўсё – Сяргей Грахоўскі.

Навіны бібліятэк

111