ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Семінар віртуальнай чытальнай залы ў БДУІР
Прыйшла пара дзейнічаць: захаваем свет дзікай прыроды!

26 лютага 1945 года. 73 дні да Перамогі

26 лютага 1945 года. 73 дні да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Аднаўленне жылля. Парады агранома. Газеты «Звязда» (№ 39) і «Ленінскі шлях» (Асвейскі раён) (№ 36).

На тэрыторыі Беларусі вайна бязлітасна знішчыла многія вёскі і гарады. Пасля вызвалення адной з першачарговых задач стала аднаўленне жылля і іншых будынкаў.

Газета “Ленінскі шлях” (Асвейскі – цяпер Верхнядзвінскі раён Віцебскай вобласці) (№ 36) змясціла матэрыял аб выкананні плана па будаўніцтве драўляных дамоў у розных калгасах раёна. Цікава тое, што на будаўніцтва хаты ўрад даваў крэдыт калгасніку да 10 000 рублёў. На другой старонцы газеты – сакратар аднаго з сельсаветаў падзяліўся поспехамі па аднаўленні жылля.

Таксама прапрацоўвалася пытанне выкарыстання для будаўніцтва тых прыродных матэрыялаў, якіх было ў БССР у лішку. На 4-й старонцы газеты “Звязда” (№ 39) за 25 лютага надрукавана размова з наркамам мясцовай прамысловасці таварышам Спірыдонавым. У ёй гаворыцца пра выкарыстанне гліны і гліназёму для будаўніцтва будынкаў, як гэта робіцца ў Сярэдняй Азіі, Украіне, Запаляр’і. Глінабітныя будынкі даволі ўстойлівыя, цёплыя і светлыя. Прычым іх можна будаваць, прымяняючы каркас, нават у некалькі паверхаў. Досвед паказвае, што падобнае будаўніцтва магчыма без асабліва вялікіх выдаткаў сіл, у параўнанні з узвядзеннем дамоў з дрэва, якое патрабуе не толькі велізарнай колькасці лясных матэрыялаў, але і транспарту, і вялікага напружання сіл. Галоўнае пры будаўніцтве з гліны – каб яно вялося ўлетку і матэрыял добра высах.

Аграном Асвейскага раёна ў даволі вялікай нататцы ў газеце “Ленінскі шлях” (№ 36) дае парады, як падрыхтаваць насенне да пасадкі і забяспечыць высокі ўраджай. Гэта асабліва актуальна пасля 3-гадовай акупацыі, калі зямлю не апрацоўвалі і не ўзбагачалі ўгнаеннямі. У іншай нататцы гаворыцца, што на адной з машынна-трактарных станцый сабралі трафейны трактар. (Чаму ён “трафейны”? Як сюды трапіў? Аўтар нататкі пра гэта не піша).

А да Перамогі заставалася 73 дні...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

Новыя партнёры РЗЭК бібліятэк Віцебскай вобласці

26 Сак 2020

Да Рэгіянальнага зводнага электроннага каталога бібліятэк Віцебскай вобласці далучылася дзяржаўная ўстанова культуры “Аршанская цэнтралізаваная бібліятэчная сістэма”.

Навіны Нацыянальнай бібліятэкі Беларусі

27 сакавіка 1945 года. 44 дні да Перамогі

27 Сак 2020

Наступленне Чырвонай арміі. Веснавыя палявыя работы пачаліся. Навіны з Мазыра, Барысаўскага раёна і іншых куткоў БССР. Газеты: “Большэвік Палесся” (№ 29), “Совецкая радзіма” (№ 47), “Большэвіцкая трыбуна” Барысаўскага раёна (№№ 30–31), “Звязда” (№ 53).

Праект “100 дзён да Вялікай Перамогі. Па старонках беларускіх газет 1945 г.”

Выказваем падтрымку Італіі ў барацьбе з каранавірусам

26 Сак 2020

З 26 па 31 сакавіка ўключна па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі з’явіцца графічны малюнак у падтрымку Італіі з надпісам “Беларусь салідарна з італьянскім народам”.

Навіны Нацыянальнай бібліятэкі Беларусі

111