ГалоўнаяНавіныПраект “100 дзён да Вялікай Перамогі. Па старонках беларускіх газет 1945 г.”
Асоба і спадчына Ф. Багушэвіча – у новым электронным выданні Нацыянальнай бібліятэкі Беларусі
Кінарэха з мінулага: што глядзелі жыхары Беларусі сто гадоў таму

12 сакавіка 1945 года. 58 дзён да Перамогі

12 сакавіка 1945 года. 58 дзён да Перамогі
Іншыя навіны

75-годдзю Перамогі ў Вялікай Айчыннай вайне прысвячаецца новы праект Нацыянальнай бібліятэкі Беларусі – “100 дзён да Вялікай Перамогі. Па старонках беларускіх газет 1945 г.”.
З 30 студзеня па 9 мая 2020 г. штодня на партале бібліятэкі публікуюцца матэрыялы, якія адлюстроўваюць хроніку навін і падзей з публікацый адпаведнага перыяду ў газетах Савецкай Беларусі 1945 г.

Падрыхтоўка да палявых работ. Астравецкі лесазавод. Рымдзюнская хата-чытальня. Газета “Сталинская правда” Астравецкага раёна (№ 17).

У перадавым артыкуле газеты “Сталинская правда” Астравецкага раёна Гродзенскай вобласці (№ 17) гаворыцца пра важнасць падрыхтоўчага этапу да веснавых палявых работ – менавіта ён закладвае аснову будучага ўраджаю, ад якога, у сваю чаргу, залежыць забеспячэнне хлебам і харчаваннем Чырвонай арміі і ўсёй краіны, а прамысловасці – сыравінай.

На 2-й старонцы – паведамленне пра Астравецкі лесазавод, які аднавіў сваю працу 6 лістапада 1944 года, тады пачала працаваць адна лесарама і абразны станок; да сённяшняга дня пушчаны такарны станок – гэта дазволіць вырабляць тавары шырокага спажывання. Фінансавы аддзел раёна абвясціў аб абавязковай рэгістрацыі штатаў і каштарысаў адміністрацыйна-гаспадарчых выдаткаў на 1945 год.

“Не адзін раз сяляне Рымдзюнскага сельсавета (цяпер аграгарадок Рымдзюны – заўв. аўт.) прыходзілі да Рымдзюнскай хаты-чытальні, але яна заўсёды зачынена на замок”, – піша аўтар артыкула “Хата-чытальня на замку”. Прычына такога стану ў тым, што кіраўнікі сельсавета не падабралі загадчыка хаты-чытальні. Таму паштальён пакідае лісты для хаты-чытальні дзе прыйдзецца. Насельніцтва пазбаўлена штодзённай інфармацыі аб становішчы на фронце, гераізме ў тыле. Палітмасавая праца, важнасць якой узрастае падчас вайны, не праводзіцца.

Агулам у сельскай мясцовасці аднаўленне працы бібліятэчнай сеткі зазнала значна больш цяжкасцей, чым у гарадах. Але да канца 1945 г. “хат-чытальняў было нават на 41 % больш, чым у даваенны час”, хоць іх фонд аднавіўся толькі на 80 % і ў сярэднім на адну хату-чытальню прыходзілася 175 кніг (Матульскі Р.С. “Библиотеки Беларуси. Из прошлого в будущее. 1917–1991”, 2018, с. 117–118).

59 дзён засталося да Перамогі...

Аўтар публікацыі: Л. Тупчыенка-Кадырава, аддзел карпаратыўнага ўзаемадзеяння.

Усе матэрыялы праекта даступны на партале НББ і сайце “Беларусь у інфармацыйнай прасторы”.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

Бібліятэкарам