ГалоўнаяНавіныПартрэты: гісторыя бібліятэкі ў асобах
Метадычнае суправаджэнне дзейнасці публічных бібліятэк
Гісторыю экслібрыса выкладае бібліяфіл Алег Судлянкоў

Віншуем з 75-годдзем ветэрана Нацыянальнай бібліятэкі Беларусі Ніну Мікалаеўну Касілаву!

Віншуем з 75-годдзем ветэрана Нацыянальнай бібліятэкі Беларусі Ніну Мікалаеўну Касілаву!
Іншыя навіны

Высокі прафесіяналізм, шырокая эрудыцыя і актыўная жыццёвая пазіцыя Ніны Мікалаеўны выклікаюць заслужаную павагу і з’яўляюцца прыкладам для ўсіх, хто яе ведае і каму пашчасціла з ёй працаваць.

Ніна Мікалаеўна – вядомы бібліятэказнаўца, які прысвяціў пяцьдзясят гадоў сваёй прафесійнай дзейнасці развіццю бібліятэчнай справы, заслужыла павагу і аўтарытэт не толькі сярод айчыннай бібліятэчнай супольнасці, але і далёка за яго межамі.

М.М. Касілава нарадзілася 27 студзеня 1947 года ў в. Тэкалаўшчына Нясвіжскага раёна Мінскай вобласці. У 1963 годзе скончыла сярэднюю школу г. Мінска.

Некаторы час Ніна Мікалаеўна працавала капіроўшчыцай на машынабудаўнічым заводзе “Ударнік” (сёння ААТ “АМКОДОР” – кіруючая кампанія холдынгу). У 1968 годзе паступіла на бібліятэчны факультэт Мінскага дзяржаўнага педагагічнага інстытута імя М. Горкага (цяпер Беларускі дзяржаўны педагагічны ўніверсітэт імя М. Танка), па заканчэнні якога была накіравана на працу ў Дзяржаўную бібліятэку БССР імя У.І. Леніна (сёння Нацыянальная бібліятэка Беларусі). Працоўная дзейнасць Ніны Мікалаеўны пачалася з пасады бібліятэкара навукова-бібліяграфічнага аддзела. Пасля яна працавала старшым бібліёграфам, старшым рэдактарам, вядучым і галоўным бібліятэкарам навукова-даследчага аддзела бібліятэказнаўства.

2-Kosilova-Nina.jpg
Ніна Мікалаеўна Касілава другая справа

Асноўным напрамкам навукова-метадычнай дзейнасці Н.М. Касілавай было вывучэнне вопыту работы і распрацоўка праблем арганізацыі бібліятэчнага абслугоўвання дзяцей і падлеткаў. Яна была старшынёй камітэта па дзіцячых і школьных бібліятэках Беларускай бібліятэчнай асацыяцыі; узначальвала навуковае даследаванне “Структура і дынаміка дзіцячага чытання ў Рэспубліцы Беларусь”; займалася распрацоўкай кніжнага ядра для дзіцячых бібліятэк, вывучэннем кнігавыдання і кніжнага рынку дзіцячай літаратуры ў Беларусі; выступала з дакладамі на міжнародных і рэспубліканскіх навуковых канферэнцыях, семінарах; чытала лекцыі ў Беларускім дзяржаўным інстытуце праблем культуры (сёння Інстытут павышэння кваліфікацыі і перападрыхтоўкі кадраў установы адукацыі “Беларускі дзяржаўны ўніверсітэт культуры і мастацтваў”).

Ніна Мікалаеўна з’яўляецца распрацоўшчыцай кірунку і методыкі больш за дваццаць тэм па пытаннях кіраўніцтва дзіцячым чытаннем, у якіх сама прымала актыўны ўдзел: “Белорусские писатели – детям”, “Беларускія паэты для дзяцей”, “Мой родны край, рэспубліка мая” і іншых; аўтарам больш за 200 апублікаваных работ у беларускім і замежным друку. Сярод найбольш значных – “Писатели-лауреаты для детей и юношества”, “Эстетическое воспитание школьников”, “В мире фантастики”, “Кніжнае ядро дзіцячай бібліятэкі: прыкладная бібліяграфічная мадэль” і шэраг іншых.

3-Kosilova-Nina.jpg

Яшчэ адным напрамкам яе дзейнасці быў маніторынг дзейнасці бібліятэк сістэмы Міністэрства культуры. На працягу шэрагу гадоў Ніна Мікалаеўна курыравала арганізацыю і правядзенне штогадовага рэспубліканскага конкурсу “Бібліятэка – асяродак нацыянальнай культуры”.

Валодаючы глыбокімі ведамі ў галіне бібліятэчнай справы і маючы вялікі стаж навукова-метадычнай работы Ніна Мікалаеўна ў 2007 годзе ўзначаліла філіял Цэнтральнай навуковай бібліятэкі імя Якуба Коласа Нацыянальнай акадэміі навук Беларусі. Праз некаторы час яна вярнулася на працу ў Нацыянальную бібліятэку Беларусі і сёння працягвае працоўную дзейнасць у аддзеле абслугоўвання спецыялізаванымі фондамі, шчодра дзелячыся сваім прафесійным вопытам з маладым пакаленнем бібліятэкараў.

Н.М. Касілава прымае актыўны ўдзел у грамадскім жыцці бібліятэкі. На працягу шэрагу гадоў яна была сакратаром рэспубліканскага дзяржаўна-грамадскага аб’яднання “Белорусское общество «Знание»”, задзейнічана ў працы іншых грамадскіх арганізацый. Сёння яна з’яўляецца членам рэдкалегіі часопіса “Планета – сям’я”.

4-Kosilova-Nina.jpg

Калегі Ніны Мікалаеўны з цеплынёй адгукаюцца аб ёй як аб высокакваліфікаваным спецыялісце з глыбокімі тэарэтычнымі ведамі і вялікім практычным вопытам працы, энергічным, працавітым, добразычлівым і тактоўным чалавеку.

Уклад Н.М. Касілавай у развіццё бібліятэчнай справы краіны, праца па захаванні культурнай і гістарычнай спадчыны атрымалі высокую ацэнку дзяржавы. Сведчанне гэтаму – уручаная ёй у 2002 г. узнагарода: Ганаровая грамата Нацыянальнага сходу Рэспублікі Беларусь. За прафесійныя заслугі і дзелавыя якасці імя Ніны Мікалаеўны заносілася на Дошку гонару Нацыянальнай бібліятэкі, неаднаразова было адзначана падзякай дырэкцыі.

Увесь калектыў Нацыянальнай бібліятэкі Беларусі сардэчна віншуе Ніну Мікалаеўну з юбілеем і жадае ёй моцнага здароўя, невычэрпнай энергіі і сіл, творчага натхнення, радасці, шчасця і дабрабыту!

Матэрыял падрыхтаваны навукова-даследчым аддзелам бібліятэказнаўства.

Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы “Партрэты: гісторыя бібліятэкі ў асобах”.

Навіны

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Падзяка за паспяховае супрацоўніцтва ў лічбавізацыі культурнай спадчыны

19 Май 2022

19 мая ў рамках II Міжнароднага лічбавага форуму #GBC (Дзяржава. Бізнес. Грамадзяне) намеснік генеральнага дырэктара ТАА “Беларускія воблачныя тэхналогіі” Міхаіл Дука ўручыў генеральнаму дырэктару Нацыянальнай бібліятэкі Беларусі Аксане Кніжнікавай падзяку за паспяховае супрацоўніцтва пры рэалізацыі праекта па лічбавізацыі культурнай спадчыны Беларусі.

Навіны Нацыянальнай бібліятэкі Беларусі

Віншуем з 85-годдзем Святлану Уладзіміраўну Фядулаву!

21 Май 2022

Калектыў Нацыянальнай бібліятэкі Беларусі ад усёй душы віншуе Святлану Уладзіміраўну з цудоўным юбілеем і жадае даўгалецця, шчасця і дабрабыту, невычэрпнай энергіі і сіл. Хай кожны ваш дзень будзе напоўнены гармоніяй і спакоем!

Партрэты: гісторыя бібліятэкі ў асобах

Візіт дэлегацый сталічных падраздзяленняў органаў унутраных спраў дзяржаў – удзельніц СНД

18 Май 2022

18 мая Нацыянальную бібліятэку Беларусі наведалі дэлегацыі сталічных падраздзяленняў органаў унутраных спраў / паліцыі дзяржаў – удзельніц Садружнасці Незалежных Дзяржаў.

Навіны Нацыянальнай бібліятэкі Беларусі

XXVIII Міжнародныя Кірыла-Мяфодзіеўскія чытанні

17 Май 2022

17 мая ў Нацыянальнай бібліятэцы Беларусі адкрыліся XXVIII Міжнародныя Кірыла-Мяфодзіеўскія чытанні “Хрысціянства ў Беларусі: гісторыя, тэалогія, традыцыі”, прымеркаваныя да 1030-годдзя Праваслаўнай царквы на беларускіх землях.

Навіны Нацыянальнай бібліятэкі Беларусі

Бібліятэкарам