Кацярына Дзмітрыеўна – адданы сваёй прафесіі спецыяліст, які прысвяціў больш за 50 гадоў свайго прафесійнага шляху Нацыянальнай бібліятэцы Беларусі. На рахунку К.Д. Варанько цэлы шэраг друкаваных і электронных выданняў. Яна з’яўляецца аўтарам больш за 260 артыкулаў, прысвечаных знакамітым дзеячам беларускай і сусветнай культуры, навукі, мастацтва, літаратуры і інш. Больш за 40 гадоў Кацярына Дзмітрыеўна працуе над штомесячным бібліяграфічным бюлетэнем “Новыя кнігі: па старонках беларускага друку”, які выдаецца Нацыянальнай бібліятэкай Беларусі з 1960 г., яна была адным са складальнікаў і рэдактараў “Летапісу часопісных артыкулаў” і “Летапісу газетных артыкулаў”.
Калектыў Нацыянальнай бібліятэкі Беларусі сардэчна віншуе Кацярыну Дзмітрыеўну з гэтай цудоўнай юбілейнай датай і жадае моцнага здароўя на доўгія гады, невычэрпнай энергіі і сіл, творчых і прафесійных поспехаў, шчасця і дабрабыту! Хай любімая справа прыносіць задавальненне і радасць, натхняе на новыя здзяйсненні!
Матэрыял падрыхтаваны навукова-даследчым аддзелам бібліятэказнаўства.
Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы "Партрэты: гісторыя бібліятэкі ў асобах".
