ГалоўнаяНавіныПартрэты: гісторыя бібліятэкі ў асобах
Аўтографы Андрэя Александровіча
Гравюра для дзяцей: творчыя заняткі

Віншуем з 75-гадовым юбілеем ветэрана Нацыянальнай бібліятэкі Валянціну Самуілаўну Ярмішкіну

Віншуем з 75-гадовым юбілеем ветэрана Нацыянальнай бібліятэкі Валянціну Самуілаўну Ярмішкіну
Іншыя навіны

Нарадзілася Валянціна Самуілаўна ў Мінску. Яе працоўны шлях у Дзяржаўнай бібліятэцы БССР імя У.І. Леніна (цяпер – Нацыянальная бібліятэка Беларусі) пачаўся ў жніўні 1963 года, калі дзяўчына пасля заканчэння сярэдняй школы № 46 была прынята на пасаду сакратара-машыністкі.

2_Ermishkina.jpg
Каля сцен бібліятэкі (1965 год)

Праз тры гады яе перавялі на пасаду малодшага бібліятэкара ў аддзел камплектавання, якому Валянціна Самуілаўна прысвяціла больш за 50 гадоў сваёй прафесійнай дзейнасці.

3_Ermishkina.jpg

У кола яе прафесійных абавязкаў уваходзіла бягучае камплектаванне фонду, яго інвентарызацыя, падбор картак заказаў да кніг, якія паступілі ў бібліятэку, апрацоўка накладных плат, вядзенне ўчастка камплектавання і апрацоўкі аўтарэфератаў, картатэкі на іх.

4_Ermishkina.jpg

Улічваючы шматгадовую бездакорную працу Валянціны Самуілаўны, яе імкненне да ўдасканалення тэхналогіі работы на сваім участку, з 1981 года яе перавялі на пасаду старшага бібліятэкара, з 1991 года – вядучага бібліятэкара.

В.С. Ярмішкіна аператыўна і якасна ажыццяўляла прыём, першасны ўлік і дастаўку на рэгістрацыю абавязковых бясплатных экзэмпляраў выданняў, якія паступаюць у Нацыянальную бібліятэку Беларусі (НББ) з некалькіх соцень паліграфічных прадпрыемстваў краіны. У яе абавязкі ўваходзіў пастаянны кантроль за аператыўнасцю і паўнатой паступлення абавязковых экзэмпляраў у НББ.

5_Ermishkina.jpg

Дзякуючы высокаму прафесіяналізму Валянціны Самуілаўны было наладжана плённае супрацоўніцтва бібліятэкі з Нацыянальнай кніжнай палатай Беларусі, шматлікімі рэдакцыямі айчынных газет і часопісаў па пытаннях ліквідацыі прабелаў у патоку абавязковага бясплатнага экзэмпляра.

6_Ermishkina.jpg

З 2015 года працоўны шлях Валянціны Самуілаўны праходзіў у адзеле захоўвання часопісаў і выданняў з працягам.

“…Асабістым укладам В.С. Ярмішкінай у арганізацыю належнага ўліку руху бібліятэчнага фонду з’яўляецца так званы «Ключ к инвентарным книгам», які налічвае больш за 20 тамоў... Валянціну Самуілаўну адрозніваюць выключная працаздольнасць, добрасумленнасць, адказнасць за вынікі выкананай працы, высокая ўнутраная культура, добразычлівасць, тактоўнасць. Яна карыстаецца заслужанай павагай і аўтарытэтам у калектыве бібліятэкі...”, – так характарызавала яе дзейнасць загадчыца аддзела захоўвання часопісаў і выданняў з працягам Валянціна Аляксандраўна Мірончык.

Заслугі Валянціны Самуілаўны, яе шматгадовая добрасумленная праца, асабісты ўклад у развіццё дакументнага фонду НББ былі адзначаны кіраўніцтвам: ёй прысвоена званне “Лепшы па прафесіі” (1980-я гг.), уручана Ганаровая грамата Нацыянальнай бібліятэкі Беларусі (2006). У 2013 годзе В.С. Ярмішкіна была ўдастоена звання “Лепшы па прафесіі” ў намінацыі “За вернасць і адданасць прафесіі” конкурсу прафесійнага майстэрства сярод супрацоўнікаў НББ.

Працоўная біяграфія В.С. Ярмішкінай цесна звязана з грамадскай працай: больш за дваццаць гадоў яна выконвала ролю старшыні пярвічнай ячэйкі Чырвонага Крыжа, працяглы час з’яўлялася прафаргам аддзела камплектавання, прадстаўляла бібліятэку на гарадскіх спаборніцтвах у якасці актыўнага члена сандружыны.

7_Ermishkina.jpg
1964 год

І сёння Валянціна Самуілаўна працягвае сваю працоўную дзейнасць у сектары захоўвання газетнага фонду аддзела захоўвання спецыялізаваных фондаў.

Адказная, працавітая, ветлівая, добразычлівая і шчырая, яна карыстаецца сярод калег вялікай павагай і заслужаным аўтарытэтам.

8_Ermishkina.jpg
2017 год

Калектыў Нацыянальнай бібліятэкі Беларусі ад усяго сэрца віншуе Валянціну Самуілаўну з юбілейнай датай! Моцнага здароўя на доўгія гады, толькі станоўчых эмоцый і бязмежнага шчасця! Няхай радасцю і святлом будзе напоўнены кожны Ваш дзень, дом будзе поўнай чашай і ў ім заўсёды пануе спакой і дабрабыт!

Матэрыял падрыхтаваны навукова-даследчым аддзелам бібліятэказнаўства.

У публікацыі выкарыстаны фота з асабістага архіва С. Базылевай-Ланько.

Аб ветэранах і супрацоўніках Нацыянальнай бібліятэкі Беларусі чытайце ў рубрыцы навін “Партрэты: гісторыя бібліятэкі ў асобах”.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Бібліятэкарам
111