ГалоўнаяНавіныПартрэты: гісторыя бібліятэкі ў асобах
Праз пакуты – да шчасця
“Цікава пачытаць”: кніга “Сказки про зверей”

Да 85-годдзя з дня нараджэння ветэрана Нацыянальнай бібліятэкі Беларусі Тамары Ягораўны Пісецкай

Да 85-годдзя з дня нараджэння ветэрана Нацыянальнай бібліятэкі Беларусі Тамары Ягораўны Пісецкай
Іншыя навіны

Нарадзілася Тамара Ягораўна ў 1937 годзе ў сяле Васільеўка Круглянскага раёна Магілёўскай вобласці ў сям’і сялян. У 1951 годзе яна скончыла мясцовую сямігадовую школу, а праз год з’ехала ў горад Чэлябінск (Расійская Федэрацыя). Там юная Тамара працавала стрыжнеўшчыцай на Чэлябінскім механічным заводзе, потым – табельшчыцай турбіннага цэха Чэлябінскай цеплаэлектрацэнтралі.

У 1954 годзе яна вярнулася на радзіму, а праз год стала працаваць асабістым сакратаром у беларускага пісьменніка, перакладчыка і драматурга Янкі Маўра.

У 1960 годзе Тамара Ягораўна паступіла на вячэрняе аддзяленне Мінскага дзяржаўнага педагагічнага інстытута імя А.М. Горкага (цяпер – Беларускі дзяржаўны педагагічны ўніверсітэт імя М. Танка) на бібліятэчны факультэт, пасля заканчэння вучобы ў якім у 1965 годзе ёй была прысвоена кваліфікацыя бібліятэкара-бібліёграфа вышэйшай кваліфікацыі.

Прафесійны шлях у галоўнай бібліятэцы краіны Тамара Ягораўна пачала ў снежні 1960 года з пасады памочніка бібліятэкара. На працягу наступных 17-ці гадоў працы ў Дзяржаўнай бібліятэцы БССР ім. У.І. Леніна (цяпер – Нацыянальная бібліятэка Беларусі) яна займала пасады пераплётчыцы, бібліятэчнага тэхніка, курсуючай, бібліятэкара, старшага бібліятэкара.

Pisieckaja-2.jpg

Пачатак працоўнай дзейнасці яна ўспамінала з асаблівай цеплынёй:

І размеркавалі мяне тады ў кнігасховішча. Вось там я прапрацавала ўсё сваё жыццё. Першая пасада – пераплётчык. У сховішчы мяне ўразіў незвычайны пах кніг і людзі: усе ўсё ведаюць. А яшчэ ўразіла дамашняя абстаноўка. Мне было вельмі цікава, што вось прыходзіш на працу, а там усё неяк па-свойску...

У 1977 годзе Т.Я. Пісецкая ўзначаліла сектар перыядычных выданняў і выданняў з працягам аддзела кнігазахоўвання, дзе прапрацавала 15 гадоў, ажно да сыходу на заслужаны адпачынак у 1992 годзе.

“Тамара Ягораўна праводзіць вялікую працу па арганізацыі, размяшчэнні і чыстцы фонду ад дублетнай і няпрофільнай літаратуры. Патрабавальная да сябе і супрацоўнікаў, спагадлівая, уважлівая і акуратная ў працы, вельмі дысцыплінаваная. Умела вядзе выхаваўчую працу ў калектыве, з’яўляецца старшынёй таварыскага суда бібліятэкі і настаўнікам моладзі...” – сведчаць матэрыялы з асабістай справы Тамары Ягораўны таго перыяду.

Прафесіяналізм Тамары Ягораўны не раз быў адзначаны дзяржавай, яна была ўзнагароджана медалямі “За працоўную адзнаку”, “Ветэран працы”, “За доблесную працу” ў азнаменаванне 100-годдзя з дня нараджэння Уладзіміра Ільіча Леніна, Ганаровымі граматамі Міністэрства культуры БССР.

Pisieckaja-3.jpg

Скончыла жыццёвы шлях Тамара Ягораўна Пісецкая ў 2020 годзе.

Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы "Партрэты: гісторыя бібліятэкі ў асобах".

Матэрыял падрыхтаваны вядучым бібліятэкарам навукова-даследчага аддзела бібліятэказнаўства Кацярынай Седневай.

Навіны

Супрацоўнікі Нацыянальнай бібліятэкі Беларусі ўзялі ўдзел у міжнароднай канферэнцыі, арганізаванай Нацыянальнай бібліятэкай Арменіі

30 Вер 2022

29–30 верасня ў Нацыянальнай бібліятэцы Арменіі адбылася міжнародная канферэнцыя “Захаванне спадчыны для стабільнай будучыні”, прысвечаная 510-годдзю армянскага кнігадрукавання. Канферэнцыя аб’яднала вядучых і маладых спецыялістаў бібліятэчнай сферы з усяго свету.

Навіны Нацыянальнай бібліятэкі Беларусі

Місія – выратаваць кнігу: інтэрв’ю з рэстаўратарам Людмілай Палтаран

29 Вер 2022

Кожная кніга мае сваю гісторыю, запісы на палях, свае пашкоджанні і... свой працэс аднаўлення. Ці цікава вам даведацца, колькі рэстаўруюць кнігі – адзін дзень або адзін год? Як працуе лістадалівачная машына? Якія этапы рэстаўрацыі праходзяць старадаўнія выданні, каб быць прадстаўленымі ў музеях або на паліцах бібліятэк?

Навіны Нацыянальнай бібліятэкі Беларусі

Віншуем з 85-годдзем ветэрана Нацыянальнай бібліятэкі Беларусі Валянціну Карнееўну Жак

1 Кас 2022

Ад усяго калектыву Нацыянальнай бібліятэкі Беларусі для Валянціны Карнееўны – самыя шчырыя віншаванні з гэтай цудоўнай юбілейнай датай і пажаданні моцнага здароўя на доўгія гады, светлага шчасця, радасці сэрца і ўцехі душы! Хай кожны Ваш дзень будзе напоўнены цікавымі падзеямі, любоўю і клопатам блізкіх і дарагіх сэрцу людзей.

Партрэты: гісторыя бібліятэкі ў асобах

У бібліятэцы падвялі вынікі конкурсу “Мір у душы – мір у краіне”

28 Вер 2022

28 верасня ў Нацыянальнай бібліятэцы Беларусі адбылася ўрачыстая цырымонія ўзнагароджання ўдзельнікаў рэспубліканскага конкурсу “Мір у душы – мір у краіне” ў намінацыі “Верш” у рамках творчага праекта “Шчасце – жыць у мірнай краіне!”.

Навіны Нацыянальнай бібліятэкі Беларусі

Славуты беларускі кампазітар з грузінскімі каранямі

1 Кас 2022

1 кастрычніка спаўняецца 85 гадоў з дня нараджэння вядомага кампазітара і педагога Андрэя Юр’евіча Мдзівані (1937–2021), які ўнёс вялікі ўклад у беларускую музычную культуру і садзейнічаў яе росквіту.

Па старонках беларускага календара

Пад знакам крылатага змея

30 Вер 2022

З 30 верасня па 7 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Пад знакам крылатага змея”, прысвечаная 550-годдзю з дня нараджэння Лукаса Кранаха Старэйшага (1472–1553).

Кніжныя выстаўкі

Бібліятэкарам