ГалоўнаяНавіныПартрэты: гісторыя бібліятэкі ў асобах
Выдавецкія праекты Нацыянальнай бібліятэкі на Мінскай міжнароднай кніжнай выстаўцы-кірмашы
Музейныя заняткі “Беларускі Напалеон”

Да 85-годдзя з дня нараджэння ветэрана Нацыянальнай бібліятэкі Беларусі Ніны Сямёнаўны Батура

Да 85-годдзя з дня нараджэння ветэрана Нацыянальнай бібліятэкі Беларусі Ніны Сямёнаўны Батура
Іншыя навіны

Ніна Сямёнаўна нарадзілася 18 лютага 1936 года ў Свярдлоўску (цяпер – Екацярынбург). Яе бацька быў вайскоўцам, таму сям’я часта мяняла месца жыхарства. Гэта аказала пэўны ўплыў на школьную біяграфію Ніны. Дзяўчынка паступіла ў першы клас у родным горадзе, потым вучылася ў некалькіх школах розных савецкіх рэспублік, у тым ліку ў Беларускай ССР – у вёсцы Расоны Гродзенскай вобласці. Нягледзячы на частую змену навучальных устаноў, скончыла школу з адзнакай. У 1955 годзе юная Ніна паступіла ў Мінскі дзяржаўны педагагічны інстытут імя М. Горкага на бібліятэчны факультэт. Вышэйшую навучальную ўстанову таксама скончыла з адзнакай і па размеркаванні была накіравана на працу ў Дзяржаўную бібліятэку БССР імя У.І. Леніна (цяпер – Нацыянальная бібліятэка Беларусі).

Свой прафесійны шлях у бібліятэцы дзяўчына пачала 1 жніўня 1959 года з пасады бібліятэкара. Праз два гады Ніну Сямёнаўну перавялі на пасаду бібліёграфа, а яшчэ праз паўгода – старшага бібліёграфа. За высокі прафесіяналізм, дысцыплінаванасць і працавітасць у 1966 годзе яе прызначылі на пасаду загадчыцы сектара навуковай залы тэхнічных навук аддзела абслугоўвання, дзе яна прапрацавала 24 гады, ажно да самага выхаду на пенсію ў 1990-м.

З успамінаў калег: “Яна была адказным, добрасумленным і вельмі педантычным спецыялістам: у яе ў зале заўсёды быў «армейскі» парадак, нягледзячы на велізарную колькасць наведвальнікаў. Усе кнігі на паліцах абавязкова павінны былі стаяць роўна «пад лінеечку». Кожны запыт наведвальнікаў яна выконвала дакладна, хутка і своечасова. Ніна Сямёнаўна з’яўлялася прыкладам стаўлення да даручанай справы, была добрым і мудрым настаўнікам для маладых спецыялістаў, шчодра дзялілася з імі вопытам. Яна карысталася вялікім аўтарытэтам і павагай у калектыве, умела знайсці падыход да любога чалавека, ці то калега, ці то чытач. Для кожнага знаходзілася добрае слова або карысная парада”.

Ніна Сямёнаўна вельмі адказна ставілася да сваіх прафесійных абавязкаў. Каб яшчэ больш дакладна і якасна задавальняць запыты чытачоў залы тэхнічнай літаратуры, яна скончыла тры двухгадовыя факультэты гарадскога грамадскага тэхнічнага ўніверсітэта пры Інстытуце навукова-тэхнічнай інфармацыі і прапаганды пры Дзяржплане БССР.

batura_1.jpg

Адказнае стаўленне Ніны Сямёнаўны да працы было адзначана на самым высокім узроўні. Яна не раз узнагароджвалася ганаровымі граматамі Міністэрства культуры БССР, была ўзнагароджана Ганаровай граматай Дзяржаўнай бібліятэкі БССР імя У.І. Леніна, а таксама медалём “Ветэран працы”.

Акрамя цудоўных прафесійных якасцей і актыўнага ўдзелу ў грамадскім жыцці бібліятэкі, калегі Ніны Сямёнаўны адзначалі і яе чалавечыя якасці. З цеплынёй і любоўю яны ўспамінаюць: “Ніна Сямёнаўна – мяккая, душэўная, вельмі інтэлігентная, начытаная, чуйная, эрудзіраваная і вельмі тактоўная жанчына... У яе была вельмі добрая сям’я, вельмі любіла павазіцца ў садзе-агародзе, вельмі любіла гатаваць. Запомнілася нам сваёй фірмовай стравай казахскай кухні «чак-чак», якой нас нярэдка частавала. Ніна Сямёнаўна вельмі шмат чытала, яна была гарачай аматаркай скандынаўскай літаратуры. Яна запомнілася як працавітая калега, справядлівы начальнік і добры чалавек”.

На жаль, не стала Ніны Сямёнаўны вельмі рана, неўзабаве пасля выхаду на пенсію...

Матэрыял падрыхтаваны навукова-даследчым аддзелам бібліятэказнаўства.

Аб ветэранах і супрацоўніках Нацыянальнай бібліятэкі Беларусі чытайце ў рубрыцы навін “Партрэты: гісторыя бібліятэкі ў асобах”.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Бібліятэкарам
111