ГалоўнаяНавіныПартрэты: гісторыя бібліятэкі ў асобах
У Дзісне з’явіўся мурал з партрэтам Язэпа Драздовіча
Семінар віртуальнай чытальнай залы НББ: вывучаем алгарытмы пошуку інфармацыі на платформе EBSCOhost

Да 85-годдзя з дня нараджэння ветэрана Нацыянальнай бібліятэкі Беларусі Бізуновай Лідзіі Васільеўны

Да 85-годдзя з дня нараджэння ветэрана Нацыянальнай бібліятэкі Беларусі Бізуновай Лідзіі Васільеўны
Іншыя навіны

Лідзія Васільеўна нарадзілася 21 красавіка 1936 г. у г. Сватава (Украіна) у сям’і служачых.

Яе ранняе дзяцінства прыйшлося на гады Вялікай Айчыннай вайны, якая закранула сям’ю дзяўчынкі самым жорсткім сваім бокам. Бацька Васіль Пятровіч Віткоўскі загінуў на фронце. Як і многім дзецям вайны, Лідзіі давялося рана пасталець. У 15 гадоў пасля заканчэння сямі класаў яна паступіла ў Харкаўскую фельчарскую школу Паўднёвай чыгункі. А праз тры гады была накіравана ў распараджэнне ўрачэбна-санітарнай службы Паўднёва-Сахалінскай чыгункі, дзе адразу была прызначана на пасаду памочніка санітарнага лекара санэпідстанцыі г. Паранайска.

Сахалін прыўнёс у жыццё дзяўчыны вялікія перамены і падарыў лепшыя моманты: тут яна выйшла замуж, нарадзіла дачку.

З 1958 г. яна пачала працаваць старшай медыцынскай сястрой у вайсковай часці, размешчанай на поўначы вострава Сахалін, у г. Оха. Лідзіі Васільеўне было прысвоена званне малодшага лейтэнанта медыцынскай службы.

Праз год муж Л.В. Бізуновай па службе быў пераведзены ў Мінск. Тут яна вырашыла змяніць род дзейнасці і ў 1960 г. паступіла ў Мінскі педагагічны інстытут імя М. Горкага (цяпер – Беларускі дзяржаўны педагагічны ўніверсітэт імя М. Танка) на бібліятэчны факультэт. Скончыўшы вучобу і атрымаўшы дыплом бібліятэкара-бібліёграфа вышэйшай кваліфікацыі, у верасні 1964 г. Лідзія Васільеўна прыйшла на працу ў Дзяржаўную бібліятэку БССР імя У.І. Леніна (цяпер – Нацыянальная бібліятэка Беларусі) на пасаду бібліятэкара навукова-бібліяграфічнага аддзела.

Пра яе жаданне і імкненне прыносіць максімальную карысць на працоўным месцы пісала ў прадстаўленні ў кваліфікацыйную камісію бібліятэкі загадчыца навукова-бібліяграфічнага аддзела Аляксандра Паўлаўна Дземчанкава: “Бізунова Л.В. паказала сябе як дасведчаны, добрасумленны работнік. Лічу ў далейшым немэтазгодным выкарыстанне работніка з вышэйшай спецыяльнай адукацыяй на механічнай працы па падрыхтоўцы да рассылкі камплектаў анатаваных картак. Тав. Бізунова значна большую карысць прынясе на даведачна-бібліяграфічнай працы...”. Просьба была задаволена, і з чэрвеня 1965 г. дзяўчына была пераведзена ў даведачна-бібліяграфічны аддзел.

2_Bizunova.jpg

Праз 5 гадоў пры назначэнні на пасаду старшага бібліёграфа ў атэстацыйным лісце Лідзіі Васільеўны напішуць: “Тав. Бізунова вядзе картатэкі часопісна-газетных артыкулаў па пытанні народнай адукацыі, выступае з гутаркамі па прапагандзе бібліяграфічных ведаў, выконвае бібліяграфічныя даведкі, дзяжурыць ля каталогаў. Аб’ём працы, які выконвае Л.В. Бізунова, адпавядае пасадзе старшага бібліёграфа...”. Менш чым праз паўгода пасля бліскуча пройдзенай атэстацыі яна ўжо ўзначальвала сектар агульных чытальных залаў аддзела абслугоўвання.

Кіраўніцтва бібліятэкі і калегі адзначалі такія рысы Лідзіі Васільеўны, як выканаўчасць і дысцыплінаванасць, патрабавальнасць да сябе і сваіх падначаленых. Шмат увагі яна надавала навучанню маладых кадраў, з’яўляючыся настаўнікам для моладзі сектара.

Л.В. Бізунова ведала і любіла кнігу. Яна шмат чытала, пастаянна пашырала свой кругагляд, цікавячыся навацыямі ў розных галінах ведаў. Імкненне да пастаяннага павышэння свайго прафесійнага ўзроўню дазваляла ёй з лёгкасцю задавальняць самыя складаныя інфармацыйныя запыты чытачоў.

3_Bizunova.jpg

За сваю працоўную дзейнасць Лідзія Васільеўна не раз атрымлівала падзякі ад чытачоў і кіраўніцтва бібліятэкі. Яе імя двойчы заносілася на Дошку гонару Дзяржаўнай бібліятэкі БССР імя У.І. Леніна, яна была ўзнагароджана Ганаровай граматай Міністэрства культуры БССР і БРК прафсаюза работнікаў культуры.

Ларыса Іванаўна Прадко, кіраўнік Л.В. Бізуновай, адзначала яе ў ліку “сапраўдных прафесіяналаў сваёй справы, якія працавалі і працуюць цяпер у аддзеле абслугоўвання... З іх непасрэдным удзелам ажыццяўляліся ўсе нашы планы, задумкі, вырашаліся праблемы аддзела. Кожны з гэтых супрацоўнікаў індывідуальны ў сваёй творчасці, у сваёй прафесійнай дзейнасці. Аб’ядноўваюць жа ўсіх агульныя мэты, задачы і іх рэалізацыя...”.

Лідзія Васільеўна не толькі кваліфікавана выконвала свае прамыя службовыя абавязкі, але і актыўна ўдзельнічала ў грамадскім жыцці калектыву. Яна была камандзірам санітарнай дружыны бібліятэкі, неаднаразова абіралася ў прафкам бібліятэкі.

6 верасня 1991 г. Л.В. Бізунова, прысвяціўшы бібліятэцы 27 гадоў свайго прафесійнага жыцця і дасягнуўшы пенсійнага ўзросту, сышла на заслужаны адпачынак.

На жаль, далейшы лёс Лідзіі Васільеўны нам не вядомы. Не захавалася ні аднаго фота гэтай выдатнай жанчыны. Будзем удзячныя ўсім, хто валодае якой-небудзь інфармацыяй і фотаматэрыяламі і дапаможа дапоўніць матэрыял.

Матэрыял падрыхтаваны навукова-даследчым аддзелам бібліятэказнаўства.

Аб ветэранах і супрацоўніках Нацыянальнай бібліятэкі Беларусі чытайце ў рубрыцы навін “Партрэты: гісторыя бібліятэкі ў асобах”.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

Бібліятэкарам
111