ГалоўнаяНавіныПартрэты: гісторыя бібліятэкі ў асобах
Наш Караткевіч: 90 хвілін з жыцця творцы
У Оршы да 90-годдзя Уладзіміра Караткевіча з’явіцца мурал, прысвечаны класіку

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год
Іншыя навіны

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

У 1921 г. сям’я вярнулася ў Беларусь у г. Барысаў. Ф.У. Сцепанюк праз біржу працы быў накіраваны рабочым на запалкавую фабрыку “Чырвоная Бярэзіна” (цяпер – “Барысаўдрэў”). Ужо з гэтага моманту ён актыўна ўключыўся ў камсамольскую і партыйную працу, адначасова з’яўляючыся сакратаром камсамольскай арганізацыі, членам Фабкама і Барысаўскага павятовага камітэта Ленінскага камуністычнага саюза моладзі Беларусі (ЛКСМБ). У гэты ж час Фёдар Уладзіміравіч стаў байцом часці асобага прызначэння і пачаў удзельнічаць у барацьбе з бандытызмам.

З 1925 па 1933 год Фёдар Уладзіміравіч займаў пасаду сакратара і загадчыка аддзела рэгіянальных ЛКСМБ, быў інспектарам і загадчыкам сектара палітыка-асветніцкіх работ Народнага камісарыята асветы БССР. З 1933 года на працягу шасці гадоў займаў кіруючыя пасады на машынна-трактарных станцыях у некалькіх населеных пунктах Віцебскай вобласці.

Ажно да самага пачатку Вялікай Айчыннай вайны Фёдар Уладзіміравіч выконваў абавязкі загадчыка аддзела прапаганды Лёзненскага райкама Камуністычнай партыі Беларусі (КПБ).

У ліпені 1941 г. ён быў прызначаны адказным па эвакуацыі прамысловага абсталявання ў г. Мелекес (цяпер – Дзімітраўград, Расійская Федэрацыя), пасля чаго застаўся там працаваць загадчыкам аддзела прапаганды Мелекескага раённага камітэта КПСС. У гады вайны Фёдар Уладзіміравіч таксама займаў пасаду інструктара ЦК КПБ у г. Маскве, узначальваў Дзяржаўны беларускі ансамбль песні і танца ў г. Данілаў Яраслаўскай вобласці.

У лютым 1945 г., ужо пасля вызвалення Беларусі, Ф.У. Сцепанюк быў адкліканы на працу ў ЦК КПБ у г. Мінск. У 1948 г. па сямейных абставінах быў пераведзены ў г. Барысаў другім сакратаром гарадскога камітэта КПБ.

У 1950 г. Фёдара Уладзіміравіча накіравалі ў г. Жодзіна на будаўніцтва Смалявіцкай ГРЭС, дзе ён выконваў абавязкі сакратара партыйнай арганізацыі. Па заканчэнні будаўніцтва Фёдар Уладзіміравіч вярнуўся ў г. Мінск і далейшы яго прафесійны шлях ажно да выхаду на пенсію быў звязаны з бібліятэчнай справай

У 1952 г. ён узначаліў бібліятэку Акадэміі навук БССР (цяпер – Цэнтральная навуковая бібліятэка імя Якуба Коласа НАН Беларусі). Як успаміналі яго сучаснікі, Фёдар Уладзіміравіч быў перакананы, што ў падрыхтоўцы навуковых работнікаў бібліятэка адыгрывае важную ролю.

За час працы на пасадзе кіраўніка бібліятэкі Акадэміі навук БССР Фёдар Уладзіміравіч не аднойчы прымаў удзел у розных канферэнцыях і семінарах, у тым ліку міжнароднага ўзроўню.

У 1961 г. Ф.У. Сцепанюк быў прызначаны дырэктарам Дзяржаўнай бібліятэкі БССР імя У.І. Леніна (цяпер – Нацыянальная бібліятэка Беларусі). У гады яго кіраўніцтва бібліятэка актыўна развівалася. У 1962 годзе быў уведзены ў эксплуатацыю другі корпус бібліятэкі па вул. Кірава, які меў кнігасховішча на 1 650 тыс. тамоў і чытальнымі заламі на 240 месцаў. У гэты перыяд ствараліся і пашыраліся спецыялізаваныя чытальныя залы і кабінеты, з’яўляліся новыя формы і метады індывідуальнай і масавай работы.

Sciepaniuk-2.jpg

Фёдар Уладзіміравіч унёс уклад у развіццё бібліятэчнай справы краіны, выступаў рэдактарам аглядаў дзейнасці бібліятэк і метадычных матэрыялаў для іх.

За высокі прафесіяналізм і працоўныя заслугі Ф.У. Сцепанюку неаднаразова аб’яўляліся падзякі, двойчы ўручаўся Ордэн “Знак Пашаны” (1944 і 1949 гг.). У 1965 г. за шматгадовую працу ў партыйных органах і ўстановах культуры і ў сувязі з шасцідзесяцігоддзем Фёдар Уладзіміравіч быў узнагароджаны Ганаровай граматай Вярхоўнага Савета Беларускай ССР.

Sciepaniuk-3.jpg

Прапрацаваўшы на пасадзе дырэктара Дзяржаўнай бібліятэкі БССР імя У.І. Леніна сем гадоў, Фёдар Уладзіміравіч у 1968 г. пайшоў на заслужаны адпачынак.

У 1987 г. Ф.У. Сцепанюк скончыў свой жыццёвы шлях.

Матэрыял падрыхтаваны навукова-даследчым аддзелам бібліятэказнаўства.

Пра ветэранаў і супрацоўнікаў Нацыянальнай бібліятэкі Беларусі чытайце ў рубрыцы "Партрэты: гісторыя бібліятэкі ў асобах".
Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111