ГалоўнаяНавіныПа старонках беларускага календара
Пра каранавірус для дзетак: проста і з малюнкамі
Міхась Міцкевіч і яго ўменне не патануць у адчаі

500-гадовы юбілей Астафія Валовіча, дзяржаўнага і грамадскага дзеяча ВКЛ, правазнаўца, мецэната-асветніка

500-гадовы юбілей Астафія Валовіча, дзяржаўнага і грамадскага дзеяча ВКЛ, правазнаўца, мецэната-асветніка
Іншыя навіны

З імем Астафія (Яўстафія) Багданавіча Валовіча (каля 1520 – 1587 ці 1588) звязана цэлая эпоха станаўлення беларускай дзяржаўнасці.

Нарадзіўся ён на Гродзеншчыне, паходзіў з вядомага шляхецкага роду. Скончыў Падуанскі ўніверсітэт. На працягу 1550–1580-х гг. займаў пасады падстаросты берасцейскага, пісара ВКЛ, маршалка дворнага, старосты магілёўскага, азярышчанскага, берасцейскага, кобрынскага, рэчыцкага, падскарбія земскага, канцлера літоўскага, кашталяна трокскага і віленскага.

Астафій Валовіч быў бліскучым дыпламатам, неаднаразова ўдзельнічаў у пасольскіх місіях. Паслядоўна адстойваў незалежнасць ВКЛ, выступаў супраць Люблінскай уніі 1569 г., скіраванай на аб’яднанне княства і Польскага каралеўства ў адну дзяржаву – Рэч Паспалітую. Прымаў актыўны ўдзел у палітычнай, аграрнай, судова-адміністрацыйнай і іншых рэформах. Разам з Львом Сапегам у 1581 г. стварыў Трыбунал – вышэйшы апеляцыйны судовы орган ВКЛ. Уваходзіў у камісію па падрыхтоўцы Статута 1566 г. Прымаў актыўны ўдзел у стварэнні Статута ВКЛ 1588 г. Напрацоўкі А. Валовіча ў значнай ступені склалі аснову гэтага шэдэўра старабеларускай юрыдычнай думкі.

Астафій Валовіч шмат зрабіў для развіцця ў Беларусі адукацыі і кнігадрукавання. На яго сродкі была створана першая на нашайтэрыторыі кірылічная друкарня ў Нясвіжы, выдаваліся кнігі на беларускай мове. А. Валовіч аказваў дапамогу школам і шпіталям, падтрымліваў ідэю стварэння ў ВКЛ вышэйшай навучальнай установы, прапагандаваў прынцыпы талерантнасці паміж людзьмі рознай веры і сасловій.

Дзейнасць Астафія Валовіча адлюстравана ў гістарычных даследаваннях, артыкулах з часопісаў і энцыклапедычных даведнікаў, а таксама ў іншых дакументах, якія захоўваюцца ў фондах Нацыянальнай бібліятэкі Беларусі. Аб гэтых публікацыях можна даведацца праз наш электронны каталог. Біяграфічныя звесткі прадстаўлены ў фактаграфічнай базе даных “Беларусь у асобах і падзеях” і Нацыянальнай базе даных аўтарытэтных/нарматыўных запісаў.

Крыніца ілюстрацыі: Сто асоб беларускай гісторыі : гістарычныя партрэты / Анатоль Мяснікоў. – 2-е выд., дапрац. – Мінск, 2009. – С. 47–49.

 Матэрыял пададзены навукова-даследчым аддзелам бібліяграфіі.

Навіны

9 Ліп 2020

Вядомы музыка, краяўзнаўца, пісьменнік Юры Несцярэнка дэбютаваў як дзіцячы аўтар: у мінскім выдавецтве “Каўчэг” выйшла яго кніга для малодшых школьнікаў на беларускай мове “Чароўныя назвы”.

Навіны бібліятэк

Па Мазырскім краі – віртуальна ў летні дзень

8 Ліп 2020

Краязнаўчы напрамак сваёй дзейнасці працягвае Мазырская цэнтральная раённая бібліятэка імя А. С. Пушкіна Гомельскай вобласці. Яна прадаставіла віртуальнай чытальнай зале Нацыянальнай бібліятэкі Беларусі адразу некалькі сваіх рэсурсаў пра край.

Бібліятэка анлайн

Інтэрв’ю з гендырэктарам Нацыянальнай бібліятэкі да Дня Незалежнасці

7 Ліп 2020

А вы ведалі, што Беларусь займае 10-е месца ў свеце па колькасці бібліятэк на мільён насельніцтва? Да Дня Незалежнасці здымачная група тэлеканала АНТ прыехала ў беларускі храм кнігі, каб сустрэцца з яго кіраўніком.

Навіны Нацыянальнай бібліятэкі Беларусі

7 Ліп 2020

7 ліпеня 1882 года ў вёсцы Вязынка, што паміж Мінскам і Маладзечна, нарадзіўся Янка Купала. Звычайны беларускі хлапец з танклявымі рысамі твару мог паўтарыць лёс свайго бацькі – дробнага шляхціца, які жыў з арэнды зямлі.

Навіны бібліятэк

Нацыянальная бібліятэка Беларусі на міжрэгіянальным круглым стале “Метадычная служба рэгіянальных бібліятэк у сучасных умовах”

7 Ліп 2020

Да 75-годдзя Вялікай Перамогі 3 ліпеня 2020 года ў Пензенскай абласной бібліятэцы імя М. Ю. Лермантава ў фармаце анлайн адбыўся XII Міжрэгіянальны круглы стол “Метадычная служба рэгіянальных бібліятэк у сучасных умовах”, удзел у якім Нацыянальная бібліятэка Беларусі прыняла ўпершыню.

Навіны Нацыянальнай бібліятэкі Беларусі

111