ГалоўнаяНавіныПа старонках беларускага календара
Гісторыя, інтэрв’ю, экскурсіі ды іншыя цікавосткі – топ відэа пра Нацыянальную бібліятэку Беларусі
Зводны электронны каталог бібліятэк Беларусі – для дыстанцыйнага абслугоўвання карыстальнікаў

22 мая – 120 гадоў з дня нараджэння вядомага беларускага вучонага Мікалая Іванавіча Каспяровіча

22 мая – 120 гадоў з дня нараджэння вядомага беларускага вучонага Мікалая Іванавіча Каспяровіча
Іншыя навіны

Славуты беларускі навуковец М.І. Каспяровіч (1900–1937) пакінуў значны след у гісторыі культуры Беларусі. Яго цікавілі літаратура і мова, архітэктура і жывапіс, гісторыя і этнаграфія, але найбольшую вядомасць ён атрымаў як выдатны краязнаўца і арганізатар беларускага краязнаўчага руху першай трэці ХХ ст.

Нарадзіўся вучоны ў маёнтку Ізабалёва Ігуменскага павета Мінскай губерні (цяпер Пухавіцкі раён Мінскай вобласці). Пасля заканчэння ў 1921 г. літаратурна-мастацкага аддзялення Мінскага педагагічнага інстытута працаваў ва ўстановах народнай асветы. Выступіў ініцыятарам стварэння Віцебскай філіі Усебеларускага літаратурнага аб’яднання “Маладняк” і Віцебскага акруговага таварыства краязнаўства. За кароткі час гэтымі арганізацыямі пры вельмі актыўным удзеле М. Каспяровіча быў падрыхтаваны шэраг грунтоўных выданняў, сярод якіх, напрыклад, зборнікі навуковых прац пад агульнай назвай “Віцебшчына”.

З 1926 г. М. Каспяровіч стаў навуковым сакратаром Цэнтральнага бюро краязнаўства пры Інбелкульце і сакратаром краязнаўчага часопіса “Наш край”. Ён прымаў удзел у шматлікіх раённых, акруговых, рэспубліканскіх і ўсесаюзных нарадах і з’ездах, навуковых экспедыцыях, рэдактаваў прысланыя з рэгіёнаў краязнаўчыя матэрыялы.

Nash-kraj.jpg

Навуковая дзейнасць М. Каспяровіча была вельмі плённай. Ён апублікаваў больш за 230 прац – манаграфій, артыкулаў, рэцэнзій, навуковых паведамленняў, прысвечаных мовазнаўству, гісторыі беларускага выяўленчага мастацтва, тэатру, літаратуры. Самай значнай працай, якой аддана займаўся навуковец на працягу цэлага дзесяцігоддзя, стала кніга “Краязнаўства”.

На жаль, не ўсе падрыхтаваныя М. Каспяровічам навуковыя працы пабачылі свет. Вучоны стаў адной з палітычных ахвяр другой паловы 1930-х гг. Аднак і тое, што было створана і апублікавана, не страціла сваёй навуковай каштоўнасці па сённяшні дзень.

Bel-architektura.jpg

Бібліяграфічныя звесткі пра творы М. Каспяровіча, а таксама біяграфічныя матэрыялы, што захоўваюцца ў фондах НББ, адлюстраваны ў электронным каталогу НББ. У зводным электронным інфармацыйным рэсурсе “Нацыянальная бібліяграфія Беларусі” можна дадаткова знайсці інфармацыю і пра тыя выданні, якіх няма ў бібліятэках нашай краіны. Больш падрабязныя звесткі аб жыцці і дзейнасці М.І. Каспяровіча шукайце ў беларусазнаўчай фактаграфічнай базе даных “Беларусь у асобах і падзеях”.

Матэрыял пададзены навукова-даследчым аддзелам бібліяграфіі.

Навіны

13 Кра 2021

60 гадоў мінула з часу першага палёту чалавека ў космас. Тым самым першым быў Юрый Гагарын — чалавек з сонечнаю ўсмешкаю, якога з Беларуссю радніла не толькі паходжанне — нарадзіўшыся ў былых межах Вялікага Княства Літоўскага, на Смаленшчыне, Гагарын са школы ведаў купалаўскі верш «Хлопчык і лётчык», гаварыў, што ён і падштурхнуў яго да выбару прафесіі.

Навіны бібліятэк

Нацыянальная бібліятэка Беларусі на вечары беларускай культуры ў Мадрыдзе (+відэа)

13 Кра 2021

9 красавіка ў Мадрыдзе адбылося ўрачыстае мерапрыемства – вечар беларускай культуры, прысвечаны 100-годдзю вядомых беларускіх пісьменнікаў І.П. Мележа і І.П. Шамякіна.

Навіны Нацыянальнай бібліятэкі Беларусі

Вэбінар “Публікацыя навуковых артыкулаў у міжнародных часопісах у рэжыме адкрытага доступу (Open Access)”

9 Кра 2021

19 красавіка ў 12.00 пройдзе вэбінар “Публікацыя навуковых артыкулаў у міжнародных часопісах у рэжыме адкрытага доступу (Open Access)”.

Навіны Нацыянальнай бібліятэкі Беларусі

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

9 Кра 2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Навіны Нацыянальнай бібліятэкі Беларусі

Бібліятэкарам
111