У другой палове снежня распачынаюцца вялікія Калядныя сустрэчы: выдавецкі дом “Звязда” прэзентуе новыя кнігі вядомых беларускіх аўтараў.
Так, 20 снежня а 17-й гадзіне ў краме № 13 РУП “Белсаюздрук”, што знаходзіцца ў падземным пераходзе да станцыі метро “Плошча Перамогі”, пра свае новыя творы раскажа чытачам пісьменніца і паэтка Раіса Баравікова. У той жа краме 21 снежня а 16-й гадзіне чытачы змогуць пазнаёміцца з пісьменнікам Уладзімірам Сцяпанам.
Шэраг сустрэч адбудзецца ў Цэнтральнай кнігарні (праспект Незалежнасці, 19):
19 снежня а 18-й гадзіне свае новыя творы прэзентуе пісьменнік Сяргей Трахімёнак,
20 снежня а 18-й гадзіне – Міхась Шавыркін,
21 снежня а 17-й гадзіне – Анатоль Бутэвіч.
Крыніца: газета “Звязда”