ГалоўнаяНавіныНавіны бібліятэк
Прэзентацыя “Таямніц Мірскага замка”
Пасяджэнне акадэміі славянскай асветы

Як імёны класікаў уплываюць на лёс бібліятэк?

Як імёны класікаў уплываюць на лёс бібліятэк?
Іншыя навіны

У дзень свайго 100-годдзя сталічная бібліятэка № 1 імя Льва Талстога прымала падарункі, якімі змогуць карыстацца чытачы.


Госці былі шчодрыя на віншаванні: дзейнасць бібліятэкі адзначылі Міністэрства культуры Рэспублікі Беларусь (праз намесніка міністра культуры Уладзіміра Карачэўскага), аддзел культуры Адміністрацыі Маскоўскага райвыканкама г. Мінска, Саюз пісьменнікаў Беларусі, газета “Звязда”, Дом прэсы. Усе свае на 100-гадовым юбілеі: сумесныя праекты з гэтымі ўстановамі былі цікавыя супрацоўнікам і наведвальнікам бібліятэкі.

Пасол Расійскай Федэрацыі ў Рэспубліцы Беларусь Аляксандр Сурыкаў уручыў падарункі, якія парадавалі не толькі супрацоўнікаў бібліятэкі – імі будуць карыстацца і чытачы. Гэта 150 выданняў расійскіх аўтараў, падпіска на газеты і часопісы на 1-е паўгоддзе 2012 года, 35 часопісаў і 6 газет, сярод якіх такія папулярныя выданні, як “Эхо планеты”, “Новый мир”, “Иностранная литература”, “Родина”, “Роман-газета”, “Наука и жизнь”, “Знание – сила”, “Знамя” і інш. Таксама бібліятэцы падарылі новы камп’ютар і прынтар.

Вялікім сюрпрызам быў шчодры падарунак ад старшыні Мінскага аб'яднання рускай культуры “Русь” Генадзя Уласава: сем прыжыццёвых выданняў Льва Талстога. Для бібліятэкі гэта вялікая каштоўнасць.

Рарытэты, якія бібліятэка мела раней, – прыжыццёвыя выданні твораў Талстога – можна паглядзець на экспазіцыі ў мемарыяльным пакоі, прысвечаным памяці класіка рускай літаратуры, імя якога носіць бібліятэка. Канечне, добрыя калекцыі збіраюцца гадамі. А стогадовае існаванне бібліятэкі – гэта цэлы лёс, па якім можна прасачыць стаўленне людзей да кнігі ў розныя часы.

Мінск пачатку ХХ стагоддзя – якім ён быў, якія былі людзі, што наведвалі першую гарадскую бібліятэку? Пра гэта нагадала невялікае віртуальнае падарожжа па губернскім Мінску. У холе і экспазіцыйнай зале была размешчана фотавыстаўка з малюнкамі Мінска таго часу. Фотаздымкі пазначылі месцы, дзе ў розныя часы знаходзілася бібліятэка.

Так пачалося свята... працы бібліятэкі. Спачатку ўдзельнікі круглага стала “Бібліятэка ў культурнай прасторы горада” абмеркавалі пытанні развіцця бібліятэчнай справы, праблемы сучасных публічных бібліятэк. Госці мелі магчымасць пазнаёміцца з мастацкай выстаўкай “Гімн кнізе”, прысвечанай кніжнай графіцы. Творы народнага мастака Беларусі Арлена Кашкурэвіча, лаўрэата Дзяржаўнай прэміі Паўла Татарнікава, мастакоў Ігара Гардзіёнка і Антаніны Лапіцкай упрыгожылі і дапоўнілі святочную атмасферу.

Шмат прыйшлося папрацаваць, каб бібліятэка імя Талстога ў Мінску стала больш утульнай, прывабнай і сучаснай: зрабілі невялікі рамонт, аднавілі камп’ютарную тэхніку і бібліятэчнае абсталяванне. Загадчыца Таццяна Маткоўская 28 гадоў працуе ў бібліятэцы імя Льва Талстога, пяць з іх – у якасці кіраўніка, таму выдатна ведае ўсе патрэбы сваіх чытачоў: сёння іх звыш 16 тысяч.

Крыніца: газета “Звязда”

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111