У продажы з’явіўся зборнік “Годныя песні”. У ім – найлепшыя нацыянальныя творы і ноты да іх: “Пагоня”, “Мы выйдзем шчыльнымі радамі”, “Спадчына”, “А хто там ідзе?” і іншыя выбітныя кампазіцыі. Апрацоўкі і рэдакцыі твораў, якія ўвайшлі ў зборнік, прызначаны для прафесійных, аматарскіх і вучэбных харавых калектываў змешанага складу.
У зборнік увайшлі творы беларускіх аўтараў, у якіх адлюстравана любоў і павага да Радзімы. Творы, што абуджаюць патрыятычныя пачуцці і надаюць моцы.
Варта вучыць дзяцей і дарослых беларускім песням, узгадоўваць культуры масавага спеву, адраджаць шматвекавую традыцыю беларускай харавой культуры.
Спеўнік “Годныя песні” мусіць стаць добрым падмуркам для стварэння сапраўднага “Свята песні” ў Беларусі.
Ініцыяваў выданне вядомы музыка Сяржук Доўгушаў, над зборнікам працавалі хормайстар Галіна Казіміроўская і кампазітар Кастусь Яськоў.
Крыніца: Наша ніва
