Шмат цікавых мерапрыемстваў, сустрэч з ветэранамі праходзіць у бібліятэках Дзятлаўскай ЦБС, што садзейнічае фарміраванню патрыятычных пачуццяў маладога пакалення.
Шэсцьдзесят пяць гадоў таму адгрымелі залпы Вялікай Айчыннай вайны. Мір прыйшоў на зямлю Беларусі. І кожны год у майскія дні, калі прырода абуджаецца да жыцця, мы зноў вяртаемся ўспамінамі да тых дзён.
Дзейнасць бібліятэк Дзятлаўскай цэнтралізаванай бібліятэчнай сістэмы ладзіцца адпаведна двухгадовай мэтавай бібліятэчнай праграме “Выхоўваць подзвігам народным”. Яе выкананне ажыццяўляецца ў рамках “Раённай комплекснай праграмы сацыяльнай падтрымкі сталых людзей, ветэранаў і асоб, пацярпелых ад вынікаў войн, на 2006–2010 гады.” Мэта праграмы – прапаганда літаратуры ваеннай тэматыкі, якая адлюстроўвае мужнасць і адвагу абаронцаў Радзімы, вернасць воінскаму абавязку, любоў да Айчыны; укараненне новых форм і метадаў работы, якія раскрываюць гераічную гісторыю вобласці, раёна, вёскі, подзвігі землякоў; ушанаванне і абслугоўванне ўдзельнікаў і інвалідаў Вялікай Айчыннай вайны.
У бібліятэках праходзяць урокі мужнасці, памяці, патрыятызму, дні памяці, сустрэчы з ветэранамі, на якіх распявядаецца пра подзвіг тых, хто адстаяў незалежнасць нашай Радзімы ў гады вайны.
На базе Дзятлаўскай цэнтральнай раённай бібліятэкі адбыўся раённы семінар «Магчымасці бібліятэк у патрыятычным выхаванні і работа бібліятэк раёна ў рамках бібліятэчнай праграмы “Выхоўваць подзвігам народным”». На семінары прысутнічаў ветэран Вялікай Айчыннай вайны Мікалай Пятровіч Калодка. Удзельнікам семінара была прапанавана літаратурна-музычная кампазіцыя “А шлях такі нялёгкі быў да Перамогі” з выкарыстаннем камп’ютэрных прэзентацый. Яна дала магчымасць адчуць горыч і боль Вялікай Айчыннай вайны і радасць і шчасце Вялікай Перамогі. Увазе прысутных была прапанавана кніжная выстаўка-прагляд “Помніць пра мінулае абавязвае сучаснасць”.
Таксамаўбібліятэцы была арганізавана кніжная выстаўка “Который раз цветёт садами для нас победоносная весна”. Першы раздзел выстаўкі “Вялікая вайна – вялікая Перамога” расказвае пра тых, хто загінуў у гады Вялікай Айчыннай вайны, пра неўміручы подзвіг савецкага народа. Другі раздзел “Беларусь партызанская” прысвечаны партызанскаму руху на тэрыторыі Беларусі. З трэцяга раздзела “Дзятлаўшчына ў гады Вялікай Айчыннай вайны” можна даведацца пра факты і падзеі, якія адбываліся на тэрыторыі раёна, знайсці інфармацыю пра землякоў – удзельнікаў вайны.