Магілёўская абласная бібліятэка прапануе віртуальную выстаўку "Суровая праўда аб вайне", прысвечаную да 90-годдзя з дня нараджэння беларускага пісьменніка, публіцыста, літаратуразнаўцы Алеся Адамовіча.
Сваёй літаратурнай творчасцю і грамадскай дзейнасцю Адамовіч сцвярджаў прыярытэт агульначалавечых каштоўнасцей і захавання духоўна-культурнай спадчыны беларусаў.
Алесь Адамовіч з’яўляецца аўтарам дзясяткаў мастацкіх кніг і навуковых прац. Па яго творах пастаўлены тэатральныя спектаклі, зроблены радыёпастаноўкі, зняты мастацкія фільмы. Найбольш вядомыя творы: "Хатынская аповесць", "Я з вогненнай вёскі…", "Карнікі", "Апошняя пастараль" і "Блакадная кніга". Ён напісаў кінасцэнарыі да такіх вядомых фільмаў, як "Вайна пад стрэхамі", "Сыны ідуць у бой", "Ідзі і глядзі". Творы Адамовіча перакладзены на 21 мову.
Наведвальнікі віртуальнай выстаўкі "Суровая праўда аб вайне" маюць магчымасць пазнаёміцца з асноўнымі вехамі жыцця і творчасці Алеся Адамовіча, фотаздымкамі, дакументамі і матэрыяламі з фонду Магілёўскай абласной бібліятэкі.
Крыніца: Магілёўская абласная бібліятэка імя У.І. Леніна
Чытайце таксама: