ГалоўнаяНавіныНавіны бібліятэк
З Нараджэннем Хрыстовым і Новым годам!
Прэзентацыя “Энцыклапедыі для школьнікаў і студэнтаў”

Уручэнне літаратурнай прэміі імя У. Калесніка

Іншыя навіны

25 лістапада ў г. Лунінцы адбылася чарговая ўрачыстая цырымонія ўручэння прэміі імя У. Калесніка за 2010 год.


Літаратурная прэмія імя У. Калесніка была ўстаноўлена старшынёй Брэсцкага аблвыканкама К.А. Сумарам у 2007 г. і прысуджаецца ў трох намінацыях: “Проза”, “Паэзія”, “Дзіцячая літаратура”.

Сярод сёлетніх кніг, намінаваных на ганаровую ўзнагароду, – творы Л. Красеўскай, С. Локтыш, Г. Тамашэвіча, В. Вабішчэвіча, Л. Валасюка, М. Аляксандрава, Н. Парчук, А. Корнева, А. Валковіча, Р. Гусевай, В. Пракаповіч, В. Літвінчука, В. Папко і І. Мельнічука.

Аўтарытэтная камісія прызнала лаўрэатамі зборнікі паэзіі Надзеі Парчук “Раскрыліўся бусел над хатай”, “Зарунее жыта зноў” і Віктара Вабішчэвіча “Уражанне”, кнігі прозы Аляксандра Валковіча “Алеся. Беловежские сны” і “Берёза белая. Берёза черная”. У намінацыі “Дзіцячая літаратура” прэмію атрымала Алена Савосціна (псеўданім Зоя Гарадзецкая) за кнігу п’ес для дзяцей “Сказки новогоднего леса”.

Для ўдзельнікаў свята ў фае лунінецкага кінатэатра Брэсцкая абласная бібліятэка імя М. Горкага разгарнула выстаўку літаратурных твораў “Берасцейскае літаратурнае вогнішча. 2006–2010”. Вядомы беларускі мастак Янка Рамановіч, які жыве ў Моталі, прадэманстраваў свае карціны. Абедзве выстаўкі мелі вялікі поспех сярод прысутных і ўпрыгожылі свята.

Літаратурную прэмію лаўрэатам уручыў намеснік старшыні Брэсцкага аблвыканкама Л.А. Цупрык.

Кніжная выстаўка будзе доўжыцца на працягу снежня і студзеня.

Крыніца: Брэсцкая абласная бібліятэка імя М. Горкага

Навіны

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

УДК і аўтарытэтныя запісы ў адлюстраванні краязнаўчага і краіназнаўчага кантэнту

29 Кас 2020

У рамках VII Міжнароднага кангрэса “Бібліятэка як феномен культуры” прайшоў метадычны семінар “Нацыянальныя аб’екты ў каталогах і базах даных бібліятэк Беларусі: методыка прымянення УДК і аўтарытэтных запісаў”.

Навіны Нацыянальнай бібліятэкі Беларусі

Усё не так, як у кнізе! Што не так з экранізацыямі і дзе ў бібліятэцы глядзець кіно

27 Кас 2020

У сучасным кінематографе ўсё менш арыгінальных сцэнарыяў, а экранізацый папулярных кніг – усё больш. Але на самой справе не ўсе з іх удалыя – прынамсі, на наш густ. Што ж не так з экранізацыямі? І чаму мы амаль заўсёды імі незадаволены? Працягнем гутарку пра мастацтва адаптацыі кніжных твораў!

Аўтарскі погляд

111