ГалоўнаяНавіныНавіны бібліятэк
У дапамогу бацькам і школьнікам – аўдыякнігі
Зміцер Скварчэўскі: “Многія так званыя «забабоны» перажывуць тых, хто іх сёння хавае”

У Купалаўскі тэатр вяртаецца легенда – спектакль “Тутэйшыя”

У Купалаўскі тэатр вяртаецца легенда – спектакль “Тутэйшыя”
Іншыя навіны

Легендарны спектакль “Тутэйшыя” зноў з’явіцца ў афішы Купалаўскага тэатра. Пра гэта паведамілі на прэс-канферэнцыі, прысвечанай 100-гадоваму юбілею тэатра.

Рэжысёрам абноўленай пастаноўкі стаў мастацкі кіраўнік тэатра Мікалай Пінігін. Менавіта ён у 1990 годзе паставіў спектакль у жанры трагіфарс па п’есе Янкі Купалы. Да таго было толькі дзве пастаноўкі “Тутэйшых”, у 1926 і 1982 годзе ў розных тэатрах, і ўсе яны неўзабаве былі зачыненыя праз цэнзуру. Спектакль Пінігіна стаў культавым, у 1992 годзе атрымаў Дзяржаўную прэмію і пражыў на сцэне вядучага тэатра краіны амаль 20 гадоў. Ён ішоў з перапынкамі да 2007 года, а ў 2010 годзе быў зачынены – як тады паведамлялася, праз састарэлыя дэкарацыі і іншае.

Pinigin.jpg

Янка Купала скончыў сваю знакавую п’есу “Тутэйшыя” ў 1922 годзе, яе дзеянне адбываецца на фоне падзей 1918–1920 гадоў у Беларусі, падчас войнаў, калі акупацыйныя ўлады ў нашай краіне змяняліся адна другой. Гэта сатырычная трагікамедыя, у аснове якой – разважанні аўтара пра лёс і будучыню беларускага народа, яго нацыянальную самасвядомасць.

Калі менавіта на працягу сезона адбудзецца прэм’ера абноўленай пастаноўкі, пакуль не паведамляецца.

Акрамя таго, гледачоў тэатра чакаюць і іншыя навінкі. У снежні адбудзецца прэм’ера спектакля “Кароль Лір”, які рэжысіруе Пінігін. Мастацкі кіраўнік тэатра таксама плануе ў сезоне 2019/2020 аднавіць спектакль “Ідылія” паводле п’есы Вінцэнта Дуніна-Марцінкевіча – яго прэм’ера запланавана на чэрвень.

У студзені на сцэне тэатра з’явіцца пластычны спектакль “Мой Шагал” расійскага рэжысёра Сяргея Зямлянскага.

На камернай сцэне тэатра свой новы спекталь пад назвай “1” / “Першы” паставіць акцёр і рэжысёр Раман Падаляка па п’есе, якую ён напісаў разам з акцёрам Міхаілам Зуем. Падаляка ў якасці рэжысёра ўжо заваяваў любоў гледачоў пастаноўкай “Радзіва «Прудок»” Андрэя Горвата.

Prudok_Af.jpg

Новы сезон – 100-ы, юбілейны – стартаваў у тэатры 3 верасня традыцыйнай “Паўлінкай”, якая ідзе на яго сцэне ўжо амаль 80 гадоў. Дарэчы, на працягу сезона кіраўніцтва тэатра збіраецца паставіць «Паўлінку» у Вязынцы, дзе нарадзіўся Янка Купала – гэты паказ плануецца самым масавым у гісторыі спектакля.

Крыніца: Реформация
Навіны

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

22 Вер 2020

Сёлета Нацыянальная  літаратурная прэмія  ў намінацыі “Літаратурная крытыка і літаратуразнаўства” была прысуджана  Івану Саверчанку за кнігу  “Магія слова. Беларускія пісьменнікі ХІІ–ХVII стагоддзяў: эсэ”.

Навіны бібліятэк

21 Вер 2020

Мінулы тыдзень у нашай краіне прайшоў пад эгідай правядзення агульнарэспубліканскага Дня бібліятэк. Насамрэч, бібліятэчная справа ў культурным кантэксце і пасёння застаецца важкай і патрэбнай.

Навіны бібліятэк

Аб пазнавальных выставах і навошта чытаць кнігі

21 Вер 2020

Кальцавыя калідоры Нацыянальнай бібліятэкі Беларусі не толькі прастора для перамяшчэння па будынку, але яшчэ і пляцоўка для выстаў. Важныя даты, цікавыя падзеі – усё гэта знаходзіць адлюстраванне ў пазнавальных кніжных экспазіцыях. У праграме “Мінск і мінчане” тэлеканала СТБ распавялі пра самыя актуальныя ў верасні.

Навіны Нацыянальнай бібліятэкі Беларусі

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

111