У сярэдняй школе № 6 г. Кобрына сумесна з аддзелам культуры Кобрынскага райвыканкама распрацавалі Інтэрнэт-даведнік і аўдыягід па горадзе Кобрыне.
“Пазнай Кобрын” – новы ўнікальны турыстычны праект, дзякуючы якому можна віртуальна і рэальна падарожнічаць па горадзе Кобрыне і раёне. У праекце прадстаўлены ўсе асноўныя аб’екты гісторыка-культурнай спадчыны Кобрыншчыны, выкарыстоўваецца ўнікальная архіўная інфармацыя. У аснове праекта ляжыць уласная распрацоўка платформы “Planet Guide”, якая дазваляе вызначыць топавыя турыстычныя аб’екты рэгіёна.
Цяпер любы жадаючы можа здзейсніць падарожжа па Кобрыне і яго наваколлі без экскурсавода – “галасавы памочнік” раскажа аб культурных і гістарычных месцах у горадзе. Пры агучцы тэксту выкарыстаны перадавы вопыт сінтэзу маўлення з выкарыстаннем нейронавых сетак.
Віртуальны 3D-тур правядзе па галоўных вуліцах горада, праз сквер ля плошчы Леніна да Палаца культуры і дома-сядзібы Суворава, а там рукой падаць да любога месца. Ён адаптаваны пад усе сучасныя інтэрнэт-прылады: смартфоны, камп’ютары, планшэты, смарт-тэлевізары.
Можна здзейсніць і віртуальныя прагулкі па залах “Дома-сядзібы Суворава”, а таксама даведацца больш аб некаторых экспанатах.
З дапамогай інтэрактыўнай карты і геалакацыі можна пракладваць свае маршруты і знаходзіць бліжэйшыя цікавыя аб’екты. Гід па Кобрыне змяшчае апісанні будынкаў, помнікаў, музеяў, а таксама звесткі аб гістарычных асобах і тэматычных маршрутах.
Раздзел “Кобрын 80-я гады” дазваляе здзейсніць віртуальнае падарожжа ў 80-я гады і ўбачыць, якім быў горад у той час. Цяпер кожны можа не проста прайсціся па вуліцах і плошчах, але і параўнаць сучасныя будынкі з тым, якімі яны былі 50 і больш гадоў таму, а таксама даведацца іх гісторыю. Апісана і агучана больш за 250 аб’ектаў, а з дапамогай нейрасетак чорна-белыя здымкі Кобрына 80-х ператвораны ў каляровыя.
Падарожнічаць па горадзе без экскурсавода дапамогуць графічныя QR-коды на славутасцях і помніках культуры. Трэба проста навесці на шыльдачку камеру тэлефона, спецыяльная праграма распазнае код і адкрые патрэбную старонку праекта “Пазнай Кобрын”.
Дзякуючы сувязям з Кобрынскім ваенна-гістарычным музеем імя А.В. Суворава, аддзелам культуры Кобрынскага райвыканкама, раённай бібліятэкай, а таксама мясцовымі краязнаўцамі, праект стаў своеасаблівай энцыклапедыяй і візітнай карткай Кобрынскага рэгіёна, а таксама важнай часткай краязнаўчых мерапрыемстваў.
“Пазнай Кобрын” – гэта ўнікальны па сваім маштабе беларускі праект, поўны любві да горада і малой радзімы.
Далучайцеся да гісторыі Кобрына і вы!
