ГалоўнаяНавіныНавіны бібліятэк
Інтэрв’ю з Чалавекам года ў сферы культуры глядзіце на “Беларусь 3”
“Кніга – галоўны экспанат”: завяршальная прэзентацыя на ХХV ММКВК

“Абуджаная жалейка” ў Дзяржаўным літаратурным музеі Янкі Купалы

“Абуджаная жалейка” ў Дзяржаўным літаратурным музеі Янкі Купалы
Іншыя навіны

Выставачны праект прысвечаны цыклу патрыятычных вершаў Янкі Купалы 1918 г. і прымеркаваны да 110-годдзя выхаду яго першага зборніка “Жалейка”.

Партнёрам праекта стаў Нацыянальны архіў Рэспублікі Беларусь.

Выставачны праект “Абуджаная жалейка” прадстаўляе пераломны час І Сусветнай вайны і распаду магутных імперый, калі многія народы Еўропы, у тым ліку і беларусы, атрымалі магчымасць сцвердзіць даўнюю мару пра дзяржаўнае адраджэнне.

“Жалейка” Янкі Купалы, якая ўбачыла свет 110 гадоў таму, стала ўдалым творчым дэбютам маладога паэта і выразным пасланнем свету аб існаванні такой старонкі як Беларусь і такога народа як беларусы, аб іх жаданні, каб і беларускі голас гучаў у сям’і народаў свету. У 1918 г. беларусы пацвердзілі гэтае пасланне справай, зрабіўшы рашучы крок да самачыннасці, якім стала абвяшчэнне Беларускай Народнай Рэспублікі.

Сімвалічна, што Янка Купала, які адклаў пяро амаль на тры гады, менавіта ў гэты час зноў пачынае пісаць і ў кастрычніку – снежні 1918 г. стварае звыш дваццаці вершаў. Першы з іх – санет “Для Бацькаўшчыны”, прасякнуты ідэямі “Жалейкі”, адпаведны дэвізу зборніка “Шляхам жыцця” (1913) “Усё для маёй Бацькаўшчыны – Беларусі”. Цыкл, народжаны ў часіну бедаў і нягод, стаў аўтарскім асэнсаваннем таго гістарычнага раздарожжа, на якім апынулася Беларусь, пошукам шляху, які дазволіць яе народу заняць “свой пачэсны пасад між народамі”. Узнёслае слова Купалы, атрымаўшы шырокі розгалас дзякуючы шматлікім публікацыям у тагачасных перыядычных выданнях, несла людзям падтрымку, давала арыенціры, клалася цаглінамі ў падмурак будучага беларускага дома.

На выстаўцы ўпершыню максімальна поўна будуць прадстаўлены арыгіналы аўтографаў грамадзянска-патрыятычных вершаў Янкі Купалы 1918 г. з фондаў музея. Гістарычны кантэкст, які абумовіў з’яўленне гэтых вершаў, узноўлены на падставе ўнікальных дакументаў з фондаў Нацыянальнага архіва Рэспублікі Беларусь: прадстаўлены факты тагачаснай рэчаіснасці, не толькі палітычнай, але сацыяльна-эканамічнай і культурнай, якія былі інтэгруючым фактарам для дзеячоў беларускага руху розных поглядаў.

Наведаць выстаўку можна да 16 красавіка 2018 года.

Крыніца: Дзяржаўны літаратурны музей Янкі Купалы

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Пасяджэнне Беларуска-В'етнамскай міжурадавай камісіі

22 Чэр 2018

22 чэрвеня ў Нацыянальнай бібліятэцы Беларусі адбылося пленарнае пасяджэнне Беларуска-В'етнамскай міжурадавай камісіі па гандлёва-эканамічным і навукова-тэхнічным супрацоўніцтве.

Нацыянальная бібліятэка Беларусі

Мікра-, малыя і сярэднія прадпрыемствы ў забеспячэнні ўстойлівага развіцця грамадства

21 Чэр 2018

З 21 чэрвеня па 24 ліпеня ў зале дакументаў міжнародных арганізацый (пам. 207g) адкрыта тэматычная выстаўка “Мікра-, малыя і сярэднія прадпрыемствы ў забеспячэнні ўстойлівага развіцця грамадства”, прысвечаная Дню мікра-, малых і сярэдніх прадпрыемстваў.

Кніжныя выстаўкі

Раман-эпапея “Четыре судьбы. Одна Родина” папоўніць фонды бібліятэк краіны

20 Чэр 2018

20 чэрвеня ў Нацыянальнай бібліятэцы прайшла цырымонія перадачы кнігі Вячаслава Бандарэнкі “Четыре судьбы. Одна Родина” ў дар раённым і гарадскім бібліятэкам.

Нацыянальная бібліятэка Беларусі