У верасні ў Віцебскай абласной бібліяітэцы імя У.І. Леніна адбылася сустрэча з вядомым беларускім паэтам Генадзем Бураўкіным.
У канцы мінулага года ў серыі “Беларускі кнігазбор” выйшла яго кніга “Выбраныя творы”. А месяц таму пабачыў свет новы зборнік паэта “Лісты да запрабавання”. Яго аснову склалі паэмы “Узнясенне” і “Развітанне”, прысвечаныя апосталам Бацькаўшчыны Францішку Багушэвічу і Якубу Коласу, а таксама лірычныя вершы, асветленыя сыноўскай любоўю да роднай зямлі.
На працягу дзвюх гадзін Генадзь Мікалаевіч чытаў вершы з новай кнігі, успамінаў творы, апублікаваныя ў сваіх ранейшых зборніках, а таксама адказваў на шматлікія пытанні прысутных.
Пасля вечарыны шмат паклоннікаў творчасці Генадзя Бураўкіна атрымалі новую кнігу з аўтографам аўтара.