Што рабіць, калі пад тваім ложкам жыве пачвара? Баяцца яе? Ці самому напалохаць? А можа, патэлефанаваць у Службу Змагання з Кузуркамі? Юзік па мянушцы Гузік паспрабаваў усё, пакуль не вырашыўся на перамовы. Ён пакінуў каля ложка сподачак з малаком, і гэта стала пачаткам дзіўнага сяброўства.
Захапляльная гісторыя пра тое, як скарыць свой страх, апаведзеная вядомай дзіцячай пісьменніцай Надзеяй Ясмінскай (аўтаркай хітовай “Чаму Меша не мае хаты”) і цудоўна праілюстраваная мастачкай Святланай Міхалап.
Крыніца: Будзьма беларусамі!
