ГалоўнаяНавіныНавіны бібліятэк
Візіт дэлегацыі КНР
Дзіцячы пакой запрашае

Спадчына Францыска Скарыны і сучасны свет

Спадчына Францыска Скарыны і сучасны свет
Іншыя навіны

5 красавіка адбылася навукова-асветніцкая канферэнцыя “Спадчына Францыска Скарыны і сучасны свет”.


Арганізатарамі мерапрыемства выступілі Гомельская абласная ўніверсальная бібліятэка імя У.І. Леніна і Гомельскі дзяржаўны ўніверсітэт імя Ф. Скарыны.

Распачалася яна незвыйчайна, тэатралізавана – удзельнікаў канферэнцыі прывіталі Францыск Скарына і Эразм Ратэрдамскі. Іх ролі выканалі акцёры народнага аматарскага тэатра “Гракі” абласной бібліятэкі – яны прадэманстравалі фрагмент спектакля па п’есе Івана Штэйнера “Мудрости зачало иль конецъ”.

З відэапрывітаннем да прысутных звярнуўся намеснік дырэктара Нацыянальнай бібліятэкі Беларусі Аляксандр Аляксандравіч Суша, ад універсітэта – прарэктар па выхаваўчай рабоце Юрый Валер’евіч Нікіцюк.

Дырэктар бібліятэкі Марына Сяргееўна Рафеева прадставіла праекты і мерапрыемствы, запланаваныя супрацоўнікамі бібліятэкі ў рамках святкавання 500-годдзя беларускага кнігадрукавання, падзякавала кіраўніцтву і выкладчыкам ГДУ за плённае супрацоўніцтва.

Вобраз Францыска Скарыны ў сучаснай беларускай літаратуры – асноўная тэма выступленняў, якую асвятлялі доктар філалагічных навук, прафесар І.Ф. Штэйнер і кандыдат філалагічных навук, дацэнт Т.В. Аўдоніна.

Рэжысёр студэнцкага тэатра ГДУ “Если бы” Сяргей Зянькоў распавёў аб сваім вопыце ўвасаблення на сцэне вобраза беларускага першадрукара, а загадчык музея Францыска Скарыны пры ГДУ імя Ф. Скарыны К.С. Усовіч – аб паэтычнай анталогіі пра першадрукара, якая ствараецца ў Беларусі.

Паэтычную кампазіцыю “Вобраз Францыска Скарыны ў беларускай паэзіі ХХ – пач. ХХІ ст.” прадставілі студэнты 2-га курса філалагічнага факультэта пад кіраўніцтвам кандыдата філалагічных навук, дацэнта Т.А. Фіцнер.

Супрацоўнік аддзела рэдкай кнігі, магістр гісторыі В.М. Марозаў асвятліў тэму “Ад мінулага да сёння і заўтра вядзе нас друкаванае слова Скарыны: папулярызацыя кніжнай спадчыны Беларусі на прыкладзе работы аддзела рэдкай кнігі Гомельскай абласной бібіліятэкі”, а яго калегі С. Крылова і К. Кісель правялі майстар-клас па гісторыі кніжнасці “Падарожжа з Францыскам”.

Удзельнікаў канферэнцыі зацікавіла спецыяльна падрыхтаваная тэматычная бібліяграфія на цукерках.

Завяршылася канференцыя экскурсіяй у музей рэдкай кнігі.

Праграма канферэнцыі

Крыніца: Гомельская абласная ўніверсальная бібліятэка імя У.І. Леніна

Навіны

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

Аўдыякалекцыя літаратурнай класікі і сучаснай прозы Беларусі – на старонцы вэб-навігатара “Беларусь у інфармацыйнай прасторы”

11 Сне 2019

Міністэрства інфармацыі Рэспублікі Беларусь прадаставіла ў адкрыты доступ падрыхтаваную выдавецтвам “Вышэйшая школа” калекцыю твораў беларускіх пісьменнікаў, агучаных вядучымі акцёрамі Беларусі.

Навіны Нацыянальнай бібліятэкі Беларусі

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, доктарам педагагічных навук, прафесарам Раманам Матульскім.

Аўтарскі погляд

111