ГалоўнаяНавіныНавіны бібліятэк
Краязнаўства Міншчыны
Камплектаванне фондаў бібліятэк Беларусі ў кантэксце сучасных патрабаванняў грамадства

Што новага ў айчынных выдавецтвах?

Што новага ў айчынных выдавецтвах?
Іншыя навіны

Падзеі Вялікай Айчыннай вайны, князі Радзівілы і творы Караткевіча без купюр…Напрыканцы адыходзячага года выдаўцы сабраліся разам, каб прыгадаць тое самае лепшае і цікавае, што было выдадзена сёлета, а таксама падзяліцца планамі на будучыню.


Выдавецтва “Мастацкая літаратура” традыцыйна парадавала сваіх чытачоў перавыданнем класічнай літаратуры. Завяршылася работа над зборам твораў Івана Шамякіна, і зусім хутка, перад Новым годам, выйдзе яго 23 ці том. За мінулы час у выдавецтве пабачылі свет сем тамоў нашага ўлюбёнага класіка – Уладзіміра Караткевіча, на наступны год плануецца яшчэ чатыры. Нарэшце творы майстра гістарычнай прозы паўстануць у такім выглядзе, у якім калісьці былі напісаны аўтарам (у пэўны час цэнзурай рабіліся істотныя купюры ў яго тэкстах), адзначыў галоўны рэдактар выдавецтва “Мастацкая літаратура” Віктар Шніп.

Галоўны рэдактар выдавецтва “Беларуская энцыклапедыя імя Петруся Броўкі” Ларыса Языковіч расказала, што ў іх выходзіць шматтомная энцыклапедыя “Гарады і вёскі Беларусі”, якая з’яўляецца ўнікальнай не толькі для Беларусі, але і для ўсёй постсавецкай прасторы. Ужо выйшлі тамы, прысвечаныя Брэсцкай і Гомельскай абласцям. Сёлета скончылі работу над энцыклапедыяй, прысвечанай Мінскай вобласці.

У якасці святочнага падарунка галоўны рэдактар вельмі раіць набываць “Вялікую энцыклапедыю Вялікага тэатра Беларусі”. У кнізе адлюстравана жыццё тэатра, пачынаючы ад 1933 года, калі ён быў створаны, і да нашых дзён. У алфавітным парадку змешчана больш за 600 артыкулаў, у якіх апісаны самыя розныя аспекты тэатральнага жыцця: гэта і праблемы сучаснага тэатра оперы і балета, і пастаноўкі гэтага тэатра, і самыя яскравыя гастролі, і многае іншае.

Загадчык літаратурнай рэдакцыі выдавецтва “Беларусь” Сяргей Пешын прэзентаваў кнігу пра Радзівілаў – “Радзівілы. Нясвіж. Замак”. Яе напісала доктар мастацтвазнаўства Надзея Высоцкая. Яна шмат гадоў вывучала старажытны род. У кнізе змяшчаюцца як архіўныя матэрыялы (шмат фотаздымкаў, якія паказваюць, як раней выглядаў Нясвіжскі замак – у той час, калі там жылі самі Радзівілы), а так і выявы сучасныя, у тым ліку зробленыя пад час рэстаўрацыі.

Працягваецца і выданне серыі кніг нашага вядомага даследчыка, этнографа Анатоля Федарука. Толькі-толькі пабачыла свет яго новая кніга, прысвечаная сядзібам Гродзеншчыны. Рэдактары адзначаюць, што і не думалі, што па іх захавалася столькі цікавага матэрыялу.

Загадчыца аддзела навукова-папулярнай літаратуры Выдавецкага дома “Звязда” Наталля Карасёва падзялілася планамі на 2015 год і адзначыла, што многае робіцца для захавання памяці пра Вялікую Айчынную вайну: “Захоўваем і памятаем” – пад такой назвай ствараецца кніжны гід па залах музея гісторыі Вялікай Айчыннай вайны. У ім будуць размешчаны матэрыялы не толькі пра экспазіцыі, прызначаныя для шырокага кола наведвальнікаў, але і прадстаўлены асобныя экспанаты з фондаў захоўвання. Альбом стане своеасаблівым сімвалам захавання памяці пра падзеі Вялікай Айчыннай вайны, паспрыяе павелічэнню колькасці наведвальнікаў гэтага музея.

Новы погляд на падзеі Вялікай Айчыннай вайны будзе прадстаўлены і ў фотаальбоме Васіля Аркашова. Гэты чалавек прайшоў многія ваенныя сцяжыны са сваёй фотакамерай і адлюстраваў не толькі баявыя дзеянні, але і жыццё ва ўсёй трагічнасці, недарэчнасці, якія нясе вайна. І ў той жа час асобныя фотаздымкі робяцца сімвалам непераможнасці духу народа, яго вялікай жыццёвай моцы.

Своеасаблівым народным выданнем стане праект “Зачараваны Беларуссю”, аўтарамі якога з’яўляюцца дэпутат Палаты прадстаўнікоў Нацыянальнага сходу Рэспублікі Беларусь Уладзіслаў Цыдзік і члены Мінскага абласнога аддзялення Саюза пісьменнікаў Беларусі. Дэпутат зрабіў серыю здымкаў, на якіх імкнуўся адлюстраваць унікальнасць роднай прыроды. Аздабляць фотаработы будуць паэтычныя радкі творцаў Міншчыны.

Аўтар публікацыі: Ніна Шчарбачэвіч.

Крыніца: газета “Звязда”

Навіны

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

Круцейшыя, чым у братоў Грым: выходзіць зборнік беларускіх чарадзейных казак

18 Ліс 2019

На “Вулеі” ідзе краўдфандынгавая кампанія для выпуску незвычайнага зборніка: “Вядзьмар, які рабіўся ваўком” – гэта трыццаць беларускіх казак з класічных збораў этнографаў XIX–XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Навіны бібліятэк

Пяцітомнік “Перамога” папоўніў фонд “алмаза ведаў”

16 Ліс 2019

У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.

Навіны Нацыянальнай бібліятэкі Беларусі

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

111