Інстытут мовазнаўства імя Якуба Коласа і Цэнтральная навуковая бібліятэка імя Якуба Коласа НАН Беларусі запрашаюць узяць удзел у Рэспубліканскай дыктоўцы па беларускай мове, прымеркаванай да Міжнароднага дня роднай мовы.
Дыктоўка адбудзецца 21 лютага з 13.00 да 14.00 у Цэнтральнай навуковай бібліятэцы НАН Беларусі (вул. Сурганава, 15, інфармацыйна-выставачны цэнтр, к. 110).
Усе, хто хоча праверыць свае веды, могуць прайсці дыктоўку ў рэжыме анлайн праз платформу ZOOM. Спасылка для падлучэння: https://us02web.zoom.us/j/86490866006.
Для ўдзелу ў мерапрыемстве неабходна прайсці рэгістрацыю (да 19 лютага ўключна).
З 21 па 28 лютага Інстытут мовазнаўства імя Якуба Коласа НАН Беларусі праводзіць Тыдзень роднай мовы. Праграма ўключае круглыя сталы, прэзентацыі, інтэрактыўныя заняткі, сустрэчы, культурна-асветніцкія і адукацыйна-забаўляльныя мерапрыемствы.
У 2022 годзе, абвешчаным у Беларусі Годам гістарычнай памяці, асаблівае значэнне набываюць каштоўнасці, якія спадарожнічаюць нашаму народу на працягу стагоддзяў. Адной з такіх базавых нацыянальных каштоўнасцей з’яўляецца беларуская мова.
З аргкамітэтам можна звязацца праз e-mail: dyktouka21@gmail.com ці па тэлефоне: (8 017) 270 04 74.
Аўтар публікацыі: Надзея Нікалаева.
Крыніца: Звязда