Атмасферны мастацкі падкаст па кнізе Кірыла Стаселькі “Пімкі” з’явіўся на платформах Anchor.fm і прыкладанні Spotify. Дыктаркай падкастаў стала купалаўка Крысціна Дробыш.
Кніга “Пімкі” выйшла ў свет у 2020 годзе і можа быць цікавай як для аматараў захапляльных гісторый пра фантастычны свет, так і для прыхільнікаў больш глыбокіх твораў. Аўтар напоўніў кнігу элементамі беларускай міфалогіі, фальклору і гісторыі. У сюжэце прысутнічаюць аповеды пра тых, хто прагне бачыць, адчуваць і мысліць інакш. Хто праз гэта намагаецца не проста здабыць, але пабудаваць, выгадаваць свабоду для сябе і ў сабе.
“Пімкі” – чацвёртая кніга Кірыла Стаселькі, першая кніга аўтара – “Дзіцячы маніфест” увайшла ў шорт-ліст прэміі імя М. Багдановіча і лонг-ліст прэміі імя Е. Гедройца. Другі твор празаіка – філасофскі твор “Marginalis”, які выйшаў у 2016 годзе, некалькі год быў у спісе бестселераў.
Крыніца: Budzma.by
