Сталiцай XVII Дня беларускага пiсьменства ў 2010 годзе стануць Хойнiкi.
Штогод у першую нядзелю верасня наша краiна адзначае нацыянальнае свята – Дзень беларускага пiсьменства. У гэты дзень мы аддаём данiну павагi нашым продкам, якiя стварылi фундамент адукацыi i пiсьменства, усiм, хто на працягу стагоддзяў шанаваў i нёс у свет цудоўную беларускую мову, хто ўпрыгожыў айчынную i сусветную культуру сваiмi бессмяротнымi творамi.
Хойніцкі непаўторны край узгадаваў не толькi народнага пiсьменнiка Беларусi Iвана Мележа, якi на ўвесь свет праславiў родную зямлю сваёй «Палескай хронiкай», тут таксама нарадзiлiся i выраслi празаiк Барыс Сачанка, паэт Мiкола Мятлiцкi, паэтэса Ала Канапелька i iншыя, якiя сваёй творчасцю ўслаўлялi Хойнiкшчыну i яе працавiтых жыхароў.
Каб свята прайшло на самым высокiм узроўнi, Нацыянальны арганiзацыйны камiтэт па падрыхтоўцы i правядзенні Дня беларускага пiсьменства ў г. Хойнiкi запрашае ўсiх неабыякавых людзей прыняць удзел у яго падрыхтоўцы.
Вялiкiх затрат потрабуе добраўпарадкаванне Хойнiкаў: неабходна рэканструяваць дзiцячую бiблiятэку, Дом культуры, гарадскi парк, былую панскую сядзiбу, дзе неўзабаве будзе адкрыты краязнаўчы музей. У горадзе з’явяцца скульптурныя кампазiцыi герояў твораў Iвана Мележа. Асабiста запрашаюцца да ўдзелу ў дабрачыннай акцыi тыя жыхары Хойнiкшчыны, якiх лёс раскiдаў па розных кутках нашай краiны.
Ёсць шанс пакiнуць сваё iмя ў сучаснай гiсторыi краю. Свае грашовыя ахвяраваннi можна дасылаць на разлiковы рахунак 3641430000057 у фiлiяле 326 ААБ «Беларусбанк» БІК 151501685, г. Хойнiкi, вул. К. Маркса, 4. УНП – 400057081, АКПА – 04063463.
Крыніца: Советская Белоруссия
