Днямі сталі вядомы імёны пераможцаў гарадскога літаратурнага конкурсу, прысвечанага 130-годдзю з дня нараджэння Янкі Купалы і Якуба Коласа.
Конкурс арганізаваны Мінскім гарадскім аддзяленнем Саюза пісьменнікаў Беларусі і падтрыманы Камітэтам па адукацыі Мінгарвыканкама.
Удзельнікамі спаборніцтва сталі падлеткі і моладзь ад 14 да 25 гадоў. З 566 прэтэндэнтаў вызначыліся больш як 30 юных лаўрэатаў.
Старшыня журы конкурсу – пісьменнік, старшыня Мінскага гарадскога аддзялення Саюза пісьменнікаў Беларусі Міхась Пазнякоў адзначыў:
– Мы праводзілі розныя конкурсы: міжнародны, прысвечаны 65-годдзю Перамогі; прысвечаны 120-годдзю Максіма Багдановіча (ён пасля перарос у агульнарэспубліканскі). А гэты агульнагарадскі літаратурны конкурс прысвечаны 130-годдзю з дня нараджэння Песняроў. Ён доўжыўся крыху больш як год, і ў ім узялі ўдзел вучні і студэнты 163 навучальных устаноў і арганізацый сталіцы. На нашу радасць, мы адкрылі вельмі цікавыя імёны. Да прыкладу, Кацярына Массэ стала пераможцай у намінацыі “Паэзія”. Мы выдалі яе кнігу ў серыі “Мінскія маладыя галасы”, прэзентацыі якой паспяхова прайшлі ў бібліятэцы і школе. Праўда, піша Кацярына па-руску.
Увогуле на конкурс паступіла больш як 1,5 тысячы твораў. Найбольш – вершаў, але шмат і празаічных твораў: кароткія аповесці, апавяданні, абразкі, замалёўкі, нарысы. Таксама – літаратуразнаўчыя і краязнаўчыя артыкулы.
– Расце здаровая творчая моладзь, – падкрэсліў Міхась Пазнякоў. – Да таго ж мы нацэльваем на пашырэнне роднай мовы. На жаль, папярэднія конкурсы паказалі: 80 – 90 працэнтаў удзельнікаў пішуць на рускай мове. У гэтым конкурсе зроблены ўхіл на беларускую, і атрымалася прыкладна 50 на 50. Хлопчыкі і дзяўчынкі вывучаюць і ведаюць яе!
Такім чынам, у намінацыі “Паэзія” пераможцамі сталі вучаніца СШ № 73 Кацярына Массэ (да 18 гадоў) і выпускніца Мінскага тэхналагічнага ўніверсітэта Людміла Клачко (да 25 гадоў). У намінацыі “Проза” – студэнтка Белдзяржуніверсітэта Ганна Касцючэнка (да 18 гадоў) і выпускніца Мінскага дзяржаўнага педуніверсітэта Алена Аляксеева (да 25 гадоў). У намінацыі “Публіцыстыка” перамагла студэнтка БДУ Кацярына Бадзеева. Лідар у намінацыі “Краязнаўства” – вучаніца гімназіі № 35 Анастасія Мароз; “Літаратуразнаўства” – вучаніца СШ № 53 Алена Несцер (да 18 гадоў) і Аляксандра Імбра-Прымава (да 25 гадоў).
Пераможцаў ушаноўвалі ў Доме літаратара. Лаўрэатам конкурсу ўручаны дыпломы Мінскага гарадскога аддзялення СПБ і падарункі. Граматамі адзначаны таксама найбольш актыўныя настаўнікі сталічных школ.
Па выніках конкурсу ў кніжнай серыі “Мінскія маладыя галасы” будзе выдадзены альманах “Маладзік”, які пазнаёміць чытачоў з лепшымі творамі лаўрэатаў.
Крыніца: газета “Літаратура і мастацтва”, 23.11.2012 г.
Чытайце таксама:
- Конкурс на лучший перевод Купалы и Коласа на китайский язык
- В Киеве отметили юбилеи Купалы и Коласа
- Празднование юбилеев Коласа и Купалы вышло далеко за пределы Беларуси
- Кітайскі перакладчык малюе беларускіх класікаў
- Мерапрыемствы бібліятэк, прысвечаныя Купале і Коласу
- “Прыехаў Купала…”
- Янка Купала і Якуб Колас у творчасці пісьменнікаў Магілёўшчыны
- Выставка расскажет историю дружбы Купалы и Коласа
- Пісьменніцкія алеі ў сталічным парку
- В Молдове пройдут вечера памяти белорусских поэтов, писателей и музыкантов
- Открылась выставка “Песняры зямлі беларускай”
- Выстаўка ў Расіі прысвечана Я. Купале і Я. Коласу
- И посадить свое дерево
- Літаратурная вандроўка “Шляхамі паэтаў”
- В Молдове широко отметят 130-летие со дня рождения Купалы и Коласа
- Утвержден план мероприятий к юбилею Я. Купалы и Я. Коласа
- О мероприятиях к юбилею Янки Купалы и Якуба Коласа
- Праект плана мерапрыемстваў да юбілею Янкі Купалы і Якуба Коласа
- Выдадзены зборнік “Купала і Колас, вы нас гадавалі”
- Конкурс на создание проекта памятника Я. Купале и Я. Коласу в Варшаве
- О памятнике классикам белорусской литературы в Варшаве