24 ліпеня ў філіяле Літаратурнага музея Максіма Багдановіча “Фальварак Ракуцёўшчына” адбудзецца Рэспубліканскае свята паэзіі і песні “Ракуцёўскае лета – 2011”.
Адметным стане прысутнасць на свяце самога Максіма Багдановіча. І не толькі ў метафарычным сэнсе. Рэдактар канала “Культура” Беларускага радыё, рэжысёр народнага літаратурнага тэатра “Жывое слова” Уладзімір Трапянок сыграе ролю Максіма на свяце “Ракуцёўскае лета”.
Сёлетняе свята ў вёсцы Ракуцёўшчына ў фальварку дробнага шляхціца Вацлава Лычкоўскага, дзе летам 1911 года адпачываў Максім Багдановіч, надзвычайна сімвалічнае. Бо якраз 120 гадоў таму нарадзіўся вялікі беларускі паэт, кульмінацыяй святкавання ўгодкаў якога і стане “Ракуцёўскае лета”.
Яшчэ адной важнай падзеяй стане святкаванне 100-годдзя прыезду Максіма ў Беларусь. З нагоды такіх круглых дат на свяце “Ракуцёўскае лета” сёлета мяркуецца і прыезд міністра культуры Паўла Латушкі. Свята будзе праходзіць на вольным паветры каля крыніцы, якая памятае і самога беларускага паэта, летуценніка, рамантыка. Адным з ганаровых гасцей свята стане сваячка гаспадара фальварка Маргарыта Пярова.
Традыцыйна ў свяце паэзіі і песні возьмуць удзел беларускія пісьменнікі: Навум Гальпяровіч, Анатоль Бутэвіч, Віктар Шніп, Людміла Рублеўская, Васіль Жуковіч, Валерый Стралко, Аксана Спрынчан, Таццяна Сівец і інш. Не абыдзецца і без музыкі. Наталля Навумовіч, Алена Шэўчык, Андрэй Усанаў, фольк-медыя гурт “Неруш”, ансамбль “Талака” і іншыя выканаўцы парадуюць аматараў аўтарскай песні і этнічных мелодый.
Выдатна правесці выхадныя вельмі лёгка. Сядайце на электрычку “Мінск– Маладзечна”, едзьце да станцыі Уша. І вы апынецеся ў дзіўным свеце – на свяце паэзіі і песні.
Крыніца: газета “Звязда”
Чытайце таксама:
- День памяти Максима Богдановича в Минске
- Сквозь память далеких лет
- Интерактивный проект «Малюнкі і спевы»
- Начат проект «Наш музей – Максімаў дом»
- Энциклопедия «Максим Богданович» скоро увидит свет
- Аб’яўлены конкурс на лагатып музея Максіма Багдановіча
- Дом Максіма Багдановіча ў Мінску будзе ўзноўлены
- Пасяджэнне Аргкамітэта па правядзенні мерапрыемстваў да юбілею Максіма Багдановіча
- Беларусь широко отметит 120-летие со дня рождения Максима Богдановича
- Общебелорусский диктант по произведениям Максима Богдановича
- Учреждена литературная премия имени Максима Богдановича
- Выставка, посвященная автору «Вянка»
- Праздник поэзии и песни, посвященный Максиму Богдановичу